धक्कादायक ; शासकीय कामात रॉयल्टी न भरता मुरूमचा वापर
शिवसेना ठाकरे गटाने केला पर्दाफाश
गुलमोहर विश्रामगृहाचे हे भ्रष्टाचारी विश्रामगृह नावाने ओळखले जाणार का ?
आधी खोली क्रमांक 102 च्या नावाने महाराष्ट्रभर गाजलेले गुलमोहर विश्रामगृह आता मुरूम भ्रष्टाचाराच्या नावाने गाजणार
अप्पर तहसील कार्यालय व गौण खनिज माफीयांनी खडी मुरुमाची चालवलेली लूट थांबंवा , कठोर कारवाई करा - शिवसेना उबाठा वतीने जिल्हाधिकाऱ्यांना निवेदन
जनसंघर्ष न्यूज
धुळे - धुळे शहरातील रावेर ,लळींग या परिसरातील खनिज संपत्तीची मोठ्या प्रमाणात लूट काही मुजोर महसूल अधिकाऱ्यांच्या अर्थपूर्ण हात मिळविण्यातून होत असून त्यांची लेखी तक्रार शिवसेना पक्षाच्या वतीने दिनांक 29 जुलै रोजी प्रांताधिकारी यांच्याकडे केली, यात खनिज संपत्तीचे संरक्षण होण्यासाठी प्रशासनाने उपाय योजना कराव्यात, खनिज माफीयांवर कारवाई करावी ,आणि आपल्याच खात्यातील बेईमान अधिकाऱ्यांवर कायद्याचा बडगा दाखवावा अशी मागणी केली होती, शिवसेना पक्षाच्या निवेदनामुळे फक्त दोन दिवस गौण खनिज वाहतूक बंद ठेवण्यात यावी असे आदेश प्रांताधिकारी कार्यालयातल्या पंटरांकडून माफियांपर्यंत पोहचविण्यात आले, दोन दिवसानंतर परत चार रात्रीतून शेकडो डंपरद्वारे ही वाहतूक परत सुरू करण्यात आली, रस्त्यावर कोणी तर बिनधास्त उडवून टाका असे आदेशही वाहतूक करणाऱ्यांना देण्यात आले, कारण अप्पर तहसीलदार कार्यालयाने खनिज माफीयांना खुली ऑफर देऊन ठेवली असुन एका आठवड्या साठी पन्नास हजार रुपये, पंधरवड्यासाठी एक लाख रुपये द्या व रात्रीच काय दिवसाही किती मुरूम व्हायचा , किती गौण खनिज लुटायचे ते लुटा अशी ऑफर दिली असून अप्पर तहसीलदारांच्या माध्यमातून कोणीतरी नाना नावाचा शासकीय कर्मचारी हे रॅकेट चालवतो, वास्तविक या नानाच्या गौण खनिज परवानगीचा चार्ज काढून घेतल्यानंतर तो चार्ज सोडायला तयार नाही असा आत बट्ट्याचा गौण खनिज वाहतुकीचा व्यवहार अप्पर तहसीलदार व नाना मुळे तेजीत आहे या दोघांवर कठोर कारवाई करावी, अशी मागणी करण्यात आली असून आजच शिवसेना उबाठा वतीने शासकीय विश्रामगृह गुलमोहर परिसरात सुमारे 5 स्क्वेर पाया फुटाचे सुमारे दहा हजार स्क्वेअर फुटाच्या नवीन इमारतीच्या पायाभरणी साठी चितोड लगतच्या चव्हाण वस्ती मधुन 250 ब्रास मुरूम परवा रात्रीपासून टाकला जात असून त्याची परवानगी व रॉयल्टी भरली नाही, शासनाचा महसूल बडवुन सर्रासपणे तो मरूम टाकण्याचे काम सुरू असताना संबंधित ठेकेदाराने चुकीच्या रॉयल्टी पावत्या दाखवून प्रशासनाची दिशाभूल केली आहे, अप्पर तहसीलदार व नाना यांच्या संगणमताने हे सर्व काम सुरू असून त्यांच्या वतीने होणारी लुट थांबवण्यासाठी आम्ही आपणास जिवंत पुरावा दिलेला असून या ठिकाणी ठेकेदाराने 200 ते 250 ब्रास टाकलेला मुरूम हा पुरावा असल्याने आपण या दोघांना निलंबित करून आपण गौण खनिज संपत्ती लुटारुंच्या विरुध्द आहात, व आपण कर्तव्यात किती कठोर व गंभीर आहात हे दाखवून द्यावे, तसेच गुलमोहर रेस्ट हाऊस येथील सीसीटीव्ही फुटेज मधून विनापरवानगी टाकलेल्या मुरमाचे पुरावे आपण जप्त करावेत अन्यथा ते देखील नष्ट होण्याची शक्यता असून आमच्या तक्रारीची आपण गांभीर्याने दखल घेऊन कठोर कारवाई करावी अशा आशयाचे निवेदन आज निवासी उपजिल्हाधिकारी यांना शिवसेना जिल्हाप्रमुख अतुल सोनवणे उपजिल्हाप्रमुख नरेंद्र परदेशी ,धीरज पाटील ,भरत मोरे, सुनील पाटील, निंबा मराठी,पिंटू ठाकूर पंकज भारस्कर ,कपिल लिंगायत, दिनेश पाटील संदीप चौधरी, माहदु गवळी, पिनू सूर्यवंशी, भोला गोसावी, सागर निकम, तेजस सपकाळ आदींनी दिले.
