ब्राह्मण समाजाचा 26 ऑक्टोबर रोजी धुळ्यात उत्तर महाराष्ट्र स्तरीय भव्य मेळावा

 

ब्राह्मण समाजाचा 26 ऑक्टोबर रोजी धुळ्यात उत्तर महाराष्ट्र स्तरीय भव्य मेळावा 

वाडीभोकर रोड येथे संपर्क कार्यालयाचे उद्घाटन होणार

जनसंघर्ष न्यूज 

     धुळे :-  परशुराम आर्थिक विकास महामंडळाच्या स्थापनेस वर्षपूर्ती झाल्याबद्दल भगवान परशुराम युवा मंच तर्फे दि 26 ऑक्टोंबर 2025  रविवार रोजी धुळे येथील कमलाबाई कन्या शाळा या ठिकाणी उत्तर महाराष्ट्र ब्राह्मण समाजाचा मेळाव्याचे आयोजन करण्यात आले आहे.

       महाराष्ट्र शासनाकडे ब्राह्मण समाजातर्फे अनेकवेळा मागणी व पाठपुरावा करून परशुराम आर्थिक विकास महामंडळाची मागणी करण्यात आली होती त्यासं मान्यताही मिळाली त्यास आज वर्षपूर्तता प्राप्त झाली असल्याने सदर सोहळा संपन्न करण्यासाठी धुळे येथे भव्यदिव्य मेळाव्याचे आयोजन करण्यात आले आहे. त्यानिमित्त धुळे येथील नियोजनात संपर्क कार्यालयाचे उद्घाट्न व दुपारी 11 वाजेला मेळावा उ‌द्बोधन कार्यक्रम संपन्न होणार आहे.

       सकाळी 10 वाजता श्री परशुराम युवा मंचचे संपर्क कार्यालयाचे उ‌द्घाटन संपन्न होत आहे. सदर कार्यालय पद्मश्री टॉवरच्या बाजूला सिस्टेल पेट्रोल पंपाजवळ, वाडीभोकर रोड, देवपूर, धुळे या ठिकाणी होणार आहे. दुपारी 11 वाजता ब्राह्मण समाजासाठी भव्यदिव्य मेळावा कमलाबाई शाळा, धुळे, गरुड कॉम्प्लेक्स समोर संपन्न होणार आहे. कार्यक्रमासाठी अध्यक्षस्थान परशुराम आर्थिक विकास महामंडळ अध्यक्ष (कॅबिनेट मंत्रीपदाचा दर्जा असलेले) माननीय श्री. आशिषजी दामले अध्यक्षस्थानी उपस्थित राहणार आहेत. कार्यक्रमाचे प्रमुख पाहुणे म्हणून धुळे शहरातील कर्तव्यदक्ष आमदार माननीय श्री अनुपजी भैय्या अग्रवाल यासोबत मुख्य समन्वयक समस्त ब्राह्मण समाज संघर्ष समिती महाराष्ट्र राज्य माननीय श्री दीपकजी रणनवरे माननीय श्री योगेशजी जानतीकर सौ अर्चनाताई सरूडकर यांची विशेष उपस्थिती लाभणार आहे तर प्रमुख उपस्थितीत हरिभक्त परायण श्री मुकुंद महाराज सोनगीरकर मठाधिपदी सोनगीर हरी भक्त परायण भाऊ महाराज रुद्र मठाधिपती नारायणबुवा समाधी केज श्री धनंजय कुलकर्णी समन्वयक समस्त ब्राह्मण समाज संघर्ष समिती महाराष्ट्र राज्य अकोला श्री श्रीकांत जोशी समन्वयक समस्त ब्राह्मण समाज संघर्ष समिती महाराष्ट्र राज्य विजय नाना पाछापूरकर ब्राह्मण समाज धुळे एडवोकेट रामकृष्ण जोशी उर्फ बाबा जोशी ज्येष्ठ नेते ब्राह्मण समाज धुळे श्री सारंग केळकर अध्यक्ष अखिल भारतीय ब्राह्मण समाज महासंघ कल्याण हे उपस्थित राहणार आहेत.

       सदर कार्यक्रमात ब्राह्मण समाजातील समाज भुषण व समाजरत्न यांचा सन्मान करण्यात येणार आहे या कार्यक्रमास उत्तर महाराष्ट्रातील समाविष्ट जिल्हे समाविष्ट जिल्ह्यातील तालुके परिसर या भागातील ब्राह्मण समाजातील युवक युवती जेष्ठ श्रेष्ठ सन्माननीय व्यक्ती त्याचबरोबर समाजास व सर्व समाजांना मार्गदर्शन करणारे सन्माननीय पाहुणे उपस्थित राहणार आहेत उत्तर महाराष्ट्रातील धुळे नंदुरबार भुसावळ जळगाव अमळनेर भडगाव पाचोरा चोपड चाळीस गाव मालेगाव जिल्ह्यातील सर्व तालुक्यातील समाज बांधव उपस्थित राहतील तसेच धुळे नंदुरबार यासंह नाशिक जिल्ह्यातील व तालुक्यातील तमाम ब्रह्म वृंद महिला भगिनी उपस्थित राहणार आहेत.

      धुळे येथे संपन्न होणारा ब्राह्मण समाज मेळावा अतिशय अभूतपूर्व व्हावा यासाठी सर्वत्र समाज बांधव मोठ्या प्रमाणावर संपर्क साधत आहे जय परशुराम महामंडळाच्या माध्यमातून होणारे उद्बोधन ब्राह्मण समाजातील सर्वांसाठी अतिशय उपयुक्त होणार आहे परशुराम महामंडळ नेमके काय या माध्यमातून कशाप्रकारे आपल्याला सहभाग घेता येईल उद्योग व्यवसाय कसे करता येतील यासाठी आवश्यक अर्थसहाय्य कसे प्राप्त करून घेता येतील यासह अनेक बाबतीत महामंडळाचे अध्यक्ष सन्माननीय आशिष जी दामले यांच्या माध्यमातून उद्‌बोधन करण्यात येणार आहे मेळावा यशस्वीतेसाठी धुळे जिल्ह्यातील धुळे शहरातील नंदुरबार शिरपूर नाशिक मालेगाव दोंडाईचा साक्री पिंपळनेर शिंदखेडा या सर्व परिसरातून सर्व ब्रह्म वृंदांनी उपस्थित रहावे असे आवाहन आयोजक परशुराम युवा मंच व सर्व ब्राह्मण संघटना यांच्या माध्यमातून करण्यात येत आहे.

विभागीय वाहतूक अधिकारी सौरभ देवरे यांचा मनमानी कारभाराची चौकशी करून निलंबित करा - रिपब्लिकन सेनेची मागणी

 

विभागीय वाहतूक अधिकारी सौरभ देवरे यांचा मनमानी कारभाराची चौकशी करून निलंबित करा - रिपब्लिकन सेनेची मागणी

जनसंघर्ष न्यूज 

    धुळे :- राज्य परिवहन महामंडळात कार्यरत असलेले विभागीय वाहतूक अधिकारी सौरभ राजेंद्र देवरे राहणार धुळे हे वेळोवेळी त्यांच्या पदाचा गैरवापर करत मनमानी कारभार करत असून त्यांची चौकशी करून त्यांचे निलंबन करण्यात यावे अशी मागणीचे निवेदन जिल्हाधिकारींना  रिपब्लिकन सेनेचे धुळे जिल्हाध्यक्ष समाधान बैसाने यांनी दिले आहे. 

          सदर निवेदनात म्हटले आहे की, विभागीय वाहतुक अधिकारी सौरभ राजेंद्र देवरे हे मार्ग तपासणी वाहनांचा विनापरवानगी गैरवापर करत असतात. G.R. क्र.राप/वाह/मार्ग तपासणी/6186 म.रा.मा.प. महामंडळ मध्यवर्ती कार्यालय, डॉ. आनंदराव नागर मार्ग, मुंबई-400 008 दि. 16 नोव्हेंबर 2009 / G.S.O. No.5, GS.O. No.129, G.S.O. No.223, प्रमाणे मार्ग तपासणी या कलमान्वये वाहनाचा वापर फक्त मार्ग तपासणी अधिकारीच करू शकतात, परंतु तसं मोठमोठे जीआर असून सुद्धा श्री. सौरभ राजेंद्र देवरे, विभागीय वाहतूक अधिकारी हे त्या गाडीचा खाजगी कामासाठी वापर करतात, उदाहरणार्थ गाडी घरी घ्यायला येणे, त्यांना ऑफिसला सोडायला येणे, नंदुरबार, शहादा, शिंदखेडा, दोंडाईचा, आणि साक्री असे अनेक ठिकाणी ते गाडीचा खाजगी वापर करत असतात, रोज संध्याकाळी गाडी त्याना घरी सोडायला येते.

       श्री. सौरभ राजेंद्र देवरे, विभागीय वाहतूक अधिकारी धुळे यांचा गाडी खाजगी वापर करत असताना लोकेशन, फोटो, व्हिडिओ, कॉल रिकॉर्डिंग माझ्याकडे पुरावे म्हणून आहेत. ही बाब अतिशय गंभीर स्वरूपाची असून श्री. सौरभ राजेन्द्र देवरे, विभागीय वाहतूक अधिकारी राज्य परिवहनाचे मार्ग तपासणी पथकाचे वाहन हे खाजगी स्वरूपात वापरून राज्य परीवहन महामंडळाचे आर्थिक नुकसान करुन प्रतिमा मलिन करण्याचे काम करत आहेत.

         सदर सौरभ राजेंद्र देवरे विभागीय वाहतूक अधिकारी हे त्यांचा पदाचा गैरवापर करीत आहेत असे असताना देखील त्यांचे वरिष्ठ अधिकारी त्यांना पाठबळ देतात. तरी सदर बाब ही अतिशय गंभीर स्वरूपाची असून त्यांना तात्काळ निलंबित करण्यात यावे.

       सदर विषयाची सविस्तर चौकशी करून शासनाच्या परिपत्रकानुसार योग्य ती कारवाई करण्यात यावी, संबंधित अधिकारी श्री. सौरभ राजेंद्र देवरे यांच्यावर गुन्हा दाखल करण्यात यावा...

     अन्यथा रिपब्लिकन सेनेच्या वतीने धुळे मा. विभागीय नियंत्रण साो. महाराष्ट्र राज्य परिवहन महामंडळ यांच्या कार्यालयाच्या मुख्य गेटला कुलूप लावून आंदोलन करण्यात येईल. होणाऱ्या परिणामास प्रशासन स्वतः जबाबदार राहणार असा इशारा देण्यात आला आहे.

     यावेळी निवेदन देताना रिपब्लिकन सेनेचे धुळे जिल्हाध्यक्ष समाधान भाऊ बैसाणे, महिला आघाडी जिल्हाउपाध्यक्ष धुळे संजनाताई अहिरे व किरण भाऊ अम्बुरे अदि. पदाधिकारी उपस्थित होते.

आधार प्रकल्पातील वृद्धांसोबत जागतिक ज्येष्ठ नागरिक दिनानिमित्त मार्गदर्शन कार्यक्रम संपन्न

आधार  प्रकल्पातील वृद्धांसोबत जागतिक ज्येष्ठ नागरिक दिनानिमित्त मार्गदर्शन कार्यक्रम संपन्न

जनसंघर्ष न्यूज 

धुळे :- समता शिक्षण संस्था, पुणे संचालित डॉ. बाबासाहेब आंबेडकर ग्रामीण व शहरी विकास प्रकल्पाअंतर्गत "आधार प्रकल्पा"तर्फे जागतिक ज्येष्ठ नागरिक दिनानिमित्त विशेष मार्गदर्शन कार्यक्रमाचे आयोजन करण्यात आले. हा कार्यक्रम बुधवार, दि. १ ऑक्टोबर २०२५ रोजी दुपारी ३ वाजता विश्वासनगर, कुंडाणे येथे घेण्यात आला.

समता शिक्षण संस्था, पुणेचे सचिव व  डॉ. बाबासाहेब आंबेडकर ग्रामीण व शहरी विकास प्रकल्प, धुळे  प्रकल्पाचे संचालक डॉ. जालिंदर अडसुळे यांच्या मार्गदर्शनाखाली आणि प्रकल्प  समन्वयक प्रा. रचना अडसुळे यांच्या नियोजनात हा उपक्रम राबविण्यात आला.

सदर कार्यक्रमाचे प्रस्ताविक श्रीमती. सुनिता पाटील (कार्यक्रम अधिकारी, डॉ. बाबासाहेब आंबेडकर ग्रामीण व शहरी विकास प्रकल्प, धुळे) यांनी केले.  कार्यक्रमाप्रसंगी लाभलेले प्रमुख पाहुणे व मार्गदर्शक म्हणून  मा. श्री. संजय सैंदाणे (सहाय्यक आयुक्त, समाज कल्याण धुळे) यांनी "वृद्धांसाठी असणाऱ्या विविध शासकीय योजना" या विषयावर मार्गदर्शन केले. यावेळी श्री. सैंदाणे यांनी आदिवासी वृद्धांच्या जीवनशैली विषय चर्चा करून त्यांचे प्रश्न समजून घेतले. पुढे त्यांनी समाजकल्याण खात्यातील जेष्ठ नागरिकांच्या योजनाचा लाभ पुरेपूर देण्याचा प्रयत्न करू असे आश्वासन दिले. 

यावेळी  डॉ. बाबासाहेब आंबेडकर समाजकार्य महाविद्यालयाचे प्रा. डॉ. प्रमोद भुंबे, कुंडाणे गावचे पोलीस पाटील श्री. दयानंद गावित, बार्टी धुळे जिल्हा समन्वयक श्री. निवृती शिंदे इत्यादी मान्यवर उपस्थित होते.

सदर कार्यक्रमाचे नियोजन गणेश उफाडे यांनी केले. याप्रसंगी अक्षय भुसारे ह्याने कार्यक्रमाचे सूत्रसंचालन तर आम्रपाली वाघ हिने उपस्थितांचे आभार मानले.  या कार्यक्रमाला समाजकार्य महाविद्यालयातील क्षेत्रकार्य विद्यार्थी कोमल शिंदे, अनिल बागुल, दीप्ती चिकाटे, तसेच  महेश खैरनार यांचे सहकार्य लाभले.