₹3 हजारांची लाच मागितली, ₹2 हजार घेताना अडकला; लाचखोर लोकसेवकाला न्यायालयाचा दणका!

₹3 हजारांची लाच मागितली, ₹2 हजार घेताना अडकला; लाचखोर लोकसेवकाला न्यायालयाचा दणका!

शासकीय वैद्यकीय बिलासाठी लाच मागणाऱ्या कर्मचाऱ्याला कारावासाची शिक्षा

जनसंघर्ष न्यूज 

नाशिक : शासकीय काम करून देण्यासाठी लाचेची मागणी करणाऱ्या राज्य कामगार विमा योजना रुग्णालय, सातपूर नाशिक येथील लोकसेवकावर न्यायालयाने दोष सिद्ध ठरवत कारावासाची शिक्षा सुनावली आहे. रामचंद्र नरसू माकरे, वरिष्ठ सहाय्यक, वर्ग-३ असे आरोपीचे नाव आहे.

तक्रारदार यांचे शासनाकडील मंजूर वैद्यकीय बिलाची रक्कम बँक खात्यात जमा करण्याच्या कामासाठी आरोपी रामचंद्र माकरे यांनी ₹3,000 लाचेची मागणी केली होती. तडजोडीनंतर ₹2,000 लाचेची रक्कम स्वीकारताना त्याच्याविरुद्ध लाचलुचपत प्रतिबंधक विभागाच्या कारवाईत गुन्हा दाखल करण्यात आला.

या प्रकरणी सातपूर पोलीस ठाणे, नाशिक शहर येथे गुन्हा रजिस्टर क्रमांक 306/2024 अन्वये भ्रष्टाचार प्रतिबंधक कायद्यानुसार गुन्हा दाखल करण्यात आला होता. तपास पूर्ण झाल्यानंतर प्रकरण न्यायालयात दाखल करण्यात आले.

नाशिक येथील मा. जिल्हा व सत्र न्यायालयात विशेष केस क्रमांक 19/2025 मध्ये सुनावणी झाली. न्यायालयाने आरोपी रामचंद्र नरसू माकरे यांना दोषी ठरवत भ्रष्टाचार प्रतिबंधक अधिनियम 1988 च्या कलम 7 अंतर्गत 6 महिने कारावास व ₹1,000 दंड, तसेच कलम 13(2) अंतर्गत 1 वर्ष कारावासाची शिक्षा सुनावली आहे.

या कारवाईत लाचलुचपत प्रतिबंधक विभागाचे अधिकारी व कर्मचारी तसेच सरकारी अभियोक्त्यांनी काम पाहिले. नागरिकांना कोणत्याही शासकीय अधिकारी किंवा कर्मचाऱ्याकडून लाचेची मागणी होत असल्यास लाचलुचपत प्रतिबंधक विभागाकडे तक्रार करण्याचे आवाहन करण्यात आले आहे.

राऊळवाडी ते हटकरवाडीपर्यत रस्ता काँक्रिटीकरण कामाचे आ.अनुपभैय्या च्या हस्ते भूमिपूजन.

राऊळवाडी ते हटकरवाडीपर्यत  रस्ता काँक्रिटीकरण कामाचे आ.अनुपभैय्या च्या हस्ते भूमिपूजन.

जनसंघर्ष न्युज 

शहरातील प्रभाग क्रमांक १७ मधील मूलभूत सोई - सुविधा योजने अंतर्गत एक कोटी रुपयांच्या निधीतून राऊळवाडी ते हटकरवाडी येथे रस्ता काँक्रिटीकरण कामाचे भूमिपूजन आ.अनुप भैय्या अग्रवाल यांच्या हस्ते करण्यात आले.यावेळी महापौर मायादेवी परदेशी, नगरसेवक अमोल मासुळे, नगरसेविका सुरेखा उगले,विकास बाबर,किशोर सरग , जितू विखे,श्रीरंग जाधव, चंद्रकांत उगले ,संतोष मासुळे ,विकास शिंदे,विलास इंगवले, राजू सुपनर,राजू गंगावणे, नंदू सुपनर, श्रीरंग जाधव, मोनु हरळ , गुलाब भवरे, संदीप मालचे,संदीप रासकर, विक्की थोरात,प्रशांत  सूर्यवंशी, यांच्यासह परिसरातील उज्वला खलाणे,सुरेखा थोरात,आशा धोंडे,आशा खलाणे,उषा सरोदे, जमुना सुपनर, स्वाती भवरे,आशा वाणी, रमाबाई भवरे, लिनाबाई लिंगायत,विमलबाई भवरे, अनिता जाधव,जयाबाई सुपनर, रत्ना महाजन , वेणूबाई पंडित, ललिता सुपनर, ताराबाई भिल , संध्या  परब, संगिता सपकाळ,पौर्णिमा माळी, सुनीता गवळी , माधुरी गवळी,आशा गवळी,लताबाई भवरे, निशा धोंडे, वर्षा सोनवणे, रामदास सुपनर,सुनील मोरे, प्रकाश कोठावदे , सुनिल भवरे,राहुल सपकाळ,विक्की वाघमोडे, देवा सुपनर,विजय महंत , संजय रोकडे,दीपक भवरे,पवन खलाणे, ईश्वर थोरात,सूरज भवरे, पप्पू महाजन,ललित वाघ,महेंद्र घोडे,अमोल गंगावणे,सौरभ फेटे,सुनील भवरे,निखिल सरोदे,शुभम मोरे,कुणाल सुपनर,प्रभाकर थोरात,चंद्रकात वाघमोडे,अविनाश फेटे, लल्ला भवरे,महेश गंगावणे,विशाल ठाकूर,रोहित सपकाळ,विक्की खलाणे,आदीसह परिसरातील  नागरिक मोठ्या संख्येने उपस्थित होते.

धुळ्यात अतिक्रमणाविरोधात ‘भारतीय संविधान सेना’ आक्रमक!

धुळ्यात अतिक्रमणाविरोधात ‘भारतीय संविधान सेना’ आक्रमक!

 प्रशासनाला ७ सप्टेंबरपर्यंतची मुदत; अन्यथा जेल रोडवर आमरण साखळी उपोषणाचा इशारा

जनसंघर्ष न्यूज 

धुळे | प्रतिनिधी

धुळे शहरातील अतिक्रमण, सार्वजनिक रस्त्यांवरील नियमबाह्य बांधकामे आणि नागरिकांच्या मूलभूत हक्कांच्या प्रश्नावरून ‘भारतीय संविधान सेना’ने प्रशासनाविरोधात आक्रमक भूमिका घेतली आहे. यासंदर्भात संघटनेचे संस्थापक अध्यक्ष आमदार साहेबराव लोंढे यांच्या नेतृत्वाखाली जिल्हाधिकारी, पोलीस अधीक्षक, महापालिका आयुक्त आणि शहर पोलीस निरीक्षक यांना निवेदन देण्यात आले आहे.

निवेदनानुसार, धुळे शहरातील विविध भागांतील अतिक्रमणे व सार्वजनिक रस्त्यांवरील नियमबाह्य आरसीसी बांधकामे तातडीने निष्कासित करावीत, अशी मागणी संघटनेने केली आहे. तसेच जेल रोड आंदोलनाची जागा मोकळी करून व्यापाऱ्यांच्या पुनर्वसनाच्या नावाखाली उभारण्यात आलेले नियमबाह्य शेड हटवून आंदोलनासाठीची जागा पूर्ववत ठेवावी, अशीही मागणी करण्यात आली आहे.

याशिवाय जुन्या मनपा मागील गेटवरील अतिक्रमण हटवून महिला, रुग्ण आणि नागरिकांच्या सोयीसाठी रस्ता पूर्ववत खुला करावा. जुना मुंबई-आग्रा महामार्ग तसेच शहरातील प्रमुख रस्त्यांवरील बेकायदेशीर अतिक्रमणे हटवावीत, अशी मागणी निवेदनात करण्यात आली आहे.

जेल रोड आंदोलनस्थळी पिण्याचे पाणी आणि महिलांसाठी स्वच्छतागृहांची सुविधा उपलब्ध करून देण्याची मागणीही संघटनेने केली आहे.

संघटनेच्या म्हणण्यानुसार, यापूर्वी ८ जून आणि १० जुलै २०२६ रोजी प्रशासनाकडे तक्रार निवेदने देण्यात आली होती. तसेच ९ ऑगस्टपासून आमरण उपोषणासाठी परवानगी मागण्यात आली होती. त्यानंतर १५ ऑगस्ट रोजी राज्याचे पालकमंत्री जयकुमार रावल यांच्या उपस्थितीत झालेल्या मध्यस्थीत आंदोलनकर्त्यांना मागण्यांची कायदेशीर पूर्तता करण्याचे आश्वासन देण्यात आले होते.

मात्र, प्रशासनाकडून अद्याप ठोस अंमलबजावणी न झाल्याचा आरोप भारतीय संविधान सेनेने केला आहे. त्यामुळे पालकमंत्र्यांच्या आश्वासनाची पूर्तता झाली नसल्याने नागरिकांमध्ये तीव्र असंतोष निर्माण झाल्याचे निवेदनात नमूद करण्यात आले आहे.

७ सप्टेंबर २०२६ पर्यंत प्रशासनाने ठोस कायदेशीर कारवाई न केल्यास जेल रोड आंदोलनस्थळी आमरण उपोषण आणि त्यानंतर साखळी उपोषण सुरू करण्यात येईल, असा स्पष्ट इशारा भारतीय संविधान सेनेने दिला आहे.

या आंदोलनादरम्यान आंदोलनकर्त्यांच्या जीवितास किंवा आरोग्यास धोका निर्माण झाल्यास अथवा कायदा-सुव्यवस्थेचा प्रश्न निर्माण झाल्यास त्याची संपूर्ण कायदेशीर व प्रशासकीय जबाबदारी धुळे मनपा आयुक्त, प्रशासन तसेच अतिक्रमणविरोधी पथकातील संबंधित अधिकाऱ्यांची राहील, असा इशाराही निवेदनातून देण्यात आला आहे.

आता प्रशासन या मागण्यांवर काय भूमिका घेते आणि ७ सप्टेंबरपूर्वी प्रत्यक्ष कारवाई होते का, याकडे धुळेकरांचे लक्ष लागले आहे.

बेरोजगारी, महागाई अन् शेतकरी कर्जमाफीचा मुद्दा तापला! राष्ट्रवादी काँग्रेस शरदचंद्र पवार पक्षाचे जिल्हाधिकाऱ्यांना निवेदन; सरकारविरोधात आंदोलनाचा इशारा

 बेरोजगारी, महागाई अन् शेतकरी कर्जमाफीचा मुद्दा तापला!

राष्ट्रवादी काँग्रेस शरदचंद्र पवार पक्षाचे जिल्हाधिकाऱ्यांना निवेदन; सरकारविरोधात आंदोलनाचा इशारा

जनसंघर्ष न्यूज 

धुळे : युवकांमध्ये वाढत असलेली बेरोजगारी, सर्वसामान्यांना भेडसावणारी महागाई तसेच शेतकऱ्यांच्या कर्जमाफीचा गंभीर प्रश्न याकडे शासनाचे दुर्लक्ष होत असल्याचा आरोप राष्ट्रवादी काँग्रेस शरदचंद्र पवार पक्षाच्या धुळे जिल्हा पदाधिकाऱ्यांनी केला आहे. या विविध प्रश्नांवर शासनाने तातडीने ठोस निर्णय घ्यावा, अशी मागणी करत पक्षाच्या वतीने जिल्हाधिकाऱ्यांना निवेदन देण्यात आले.

निवेदनात म्हटले आहे की, राज्यातील युवकांमध्ये बेरोजगारीचे प्रमाण वाढत असून, महागाईमुळे सर्वसामान्य नागरिकांचे आर्थिक गणित कोलमडले आहे. दुसरीकडे शेतकरी कर्जाच्या ओझ्याखाली दबला असून कर्जमाफीचा प्रश्न अद्यापही प्रलंबित आहे. या गंभीर समस्यांकडे शासनाने गांभीर्याने लक्ष देऊन ठोस निर्णय घेणे अपेक्षित असल्याचे पक्षाने नमूद केले आहे.

शासनाकडून या प्रश्नांवर ठोस निर्णय घेतला गेला नाही, तर राष्ट्रवादी काँग्रेस शरदचंद्र पवार पक्षाच्या वतीने शासनाविरोधात कठोर भूमिका घेत रस्त्यावर उतरून मोठ्या संख्येने आंदोलन करण्यात येईल, असा इशाराही निवेदनातून देण्यात आला आहे.

या वेळी पक्षाच्या पदाधिकारी व कार्यकर्त्यांनी निवेदनावर स्वाक्षऱ्या करून शासनाने बेरोजगारी, महागाई आणि शेतकरी कर्जमाफीसारख्या प्रश्नांवर तातडीने कार्यवाही करावी, अशी मागणी केली.

दरम्यान, शासन या मागण्यांवर काय निर्णय घेते आणि राष्ट्रवादी काँग्रेस शरदचंद्र पवार पक्षाच्या आंदोलनाच्या इशाऱ्यानंतर प्रशासनाची भूमिका काय राहते, याकडे धुळेकरांचे लक्ष लागले आहे.

स्थानिक व्यावसायिकांना टोल आकारणीत सूट द्या, धुळे जिल्हा ट्रक मालक असोसिएशनची निवेदनाद्वारे मागणी.....

 स्थानिक व्यावसायिकांना टोल आकारणीत सूट द्या, धुळे जिल्हा ट्रक मालक असोसिएशनची निवेदनाद्वारे मागणी.

जनसंघर्ष न्युज 

धुळे - स्थानिक व्यवसायिकांना लळिंग येथील टोल आकारणीत सूट द्या अशा प्रकारची मागणी करत धुळे जिल्हा ट्रक मालक असोसिएशन व उत्तर महाराष्ट्र ट्रक ओनर्स असोसिएशन संघर्ष समितीच्या पदाधिकाऱ्यांनी जिल्हाधिकारी कार्यालयाच्या आवारात निदर्शने करत मागण्यांचे निवेदन जिल्हाधिकाऱ्यांना देण्यात आले आहे. मागण्या मान्य न झाल्यास आंदोलन करण्याचा इशारा पदाधिकाऱ्यांनी दिला आहे. 

स्थानिक वीस किलोमीटर आतील वाहन व्यवसायिकांना टोल नाक्यावर मोठ्या  प्रमाणात टोल आकारणी होत असल्याने अनेक अडचणींचा सामना करावा लागत आहे. 2009 मध्ये लळींग टोल नाका स्थानिक व जिल्ह्यातील व्यापाऱ्यांना टोल आकारणीमध्ये सूट मिळायची. मात्र आता तीन दिवसापासून एन एच ए आय ने नवीन ठेकेदार नियुक्त केल्याने मागील तीन दिवसांपासून वाहन चालकांना सूट मिळत नसल्याने आक्रमक झालेल्या असोसिएशनच्या पदाधिकाऱ्यांनी जिल्हाधिकारी कार्यालयाच्या आवारात निदर्शने करत टोल मध्ये सूट देण्याची मागणी केली आहे. 

यावेळी धुळे जिल्हा ट्रक मालक असोसिएशन व उत्तर महाराष्ट्र ट्रक ऑनर्स असोसिएशन संघर्ष समितीचे दिनेश चंद्र शर्मा, हरीश विभुते, मांगीलाल चौधरी, प्रमोद पाटील, जगदीश चौधरी, राजेंद्र तीडमे, दिलीप कापसे, राजेश चौधरी, महेश अहिरराव, दिनेश परदेशी, मोनेंद्र मेहता, कैलास पाटील, मसुद शेख, सईद सिकंदर शेख, वसीम मुस्ताक शेख, नासिर हुसेन शेख, यांच्यासह असंख्य पदाधिकारी मोठ्या संख्येने उपस्थित होते.

राष्ट्रीय पशुरोग नियंत्रण कार्यक्रम निधीचा गैरवापर बापू कोळी यांनी जिल्हा प्रशासनाला दिले निवेदन.

राष्ट्रीय पशुरोग नियंत्रण कार्यक्रम निधीचा गैरवापर 
बापू कोळी यांनी जिल्हा प्रशासनाला दिले निवेदन.

जनसंघर्ष न्युज 

धुळे- राष्ट्रीय पशुरोग नियंत्रण कार्यक्रमांतर्गत शासनाकडून मिळालेल्या निधीचा पशुवैद्यकीय दवाखाना विखरणच्या अधिकाऱ्यांनी गैरवापर केला आहे.याप्रकरणी संबंधितांवर चौकशीनंतर कारवाई करण्यात यावी,अशा आशयाचे एक निवेदन बापू दयाराम कोळी यांनी आज जिल्हा प्रशासनाला दिले.

सदर निवेदनात म्हटले आहे की, शिरपूर  तालुक्यातील विखरण येथील पशुवैद्यकीय दवाखान्यामार्फत गेल्या दोन वर्षाच्या कालावधीत पशुरोग नियंत्रण कार्यक्रमांतर्गत जनावरांच्या लसीकरणाचा कार्यक्रम घेण्यात आला.मात्र या लसीकरणाच्या मोहिमेत संबंधितांनी अनियमितता तसेच निधीचा गैरवापर केला असल्याचा आरोप बापू कोळी यांनी केला आहे.

याप्रकरणी संबंधितांविरुद्ध चौकशीअंती कठोर कारवाई करण्याची मागणी त्यांनी केली आहे.अशा आशयाचे एक निवेदन बापू कोळी यांनी जिल्हा प्रशासनाला दिले. या प्रकरणी चौकशी न झाल्यास पुढील आंदोलन करण्यात येईल,असा इशाराही बापू कोळी यांनी प्रसार माध्यमांशी बोलताना दिला.

धुळे जिल्हा कारागृहाच्या नूतन प्रशासकीय इमारत व प्रवेशद्वाराचे पालकमंत्री ना.जयकुमार रावल यांच्या हस्ते लोकार्पण

धुळे जिल्हा कारागृहाच्या नूतन प्रशासकीय इमारत व प्रवेशद्वाराचे लोकार्पण

जनसंघर्ष न्यूज 

धुळे :-  स्वातंत्र्यदिनाचे औचित्य साधून धुळे जिल्हा कारागृहाच्या नूतन प्रशासकीय इमारत व प्रवेशद्वाराचे लोकार्पण धुळे जिल्ह्याचे पालकमंत्री मा. ना. श्री. जयकुमारभाऊ रावल यांच्या शुभहस्ते उत्साहात संपन्न झाले.

या कार्यक्रमास आमदार राघवेंद्र पाटील, उपमहापौर ज्योत्स्ना पाटील, जिल्हाधिकारी भाग्यश्री विसपुते, जिल्हा परिषदेचे मुख्य कार्यकारी अधिकारी बाबासाहेब बेलदार, पोलिस अधीक्षक विशाल आनंद, सार्वजनिक बांधकाम विभागाचे अधीक्षक अभियंता विनोद भदाणे, कार्यकारी अभियंता आर. आर. पाटील, अपर पोलिस अधीक्षक डॉ. अजय देवरे, कारागृह अधीक्षक एकनाथ शिंदे, उप अधीक्षक संदीप एकशिंगे, माजी केंद्रीय राज्यमंत्री डॉ. सुभाष भामरे यांच्यासह विविध विभागांचे अधिकारी व मान्यवर उपस्थित होते.

धुळे जिल्हा कारागृहाला ऐतिहासिक वारसा लाभला असून, अनेक स्वातंत्र्यसैनिकांनी या कारागृहात बंदिवास भोगला आहे. विशेष म्हणजे, याच कारागृहात आचार्य विनोबा भावे यांनी ‘गीताई’ सांगितली, ही धुळे जिल्ह्यासाठी अभिमानाची आणि ऐतिहासिक बाब आहे.

कारागृहातील बंदिवानांना केवळ शिक्षा न देता मानवतावादी दृष्टिकोनातून आवश्यक सुविधा उपलब्ध करून देणे, तसेच कौशल्य प्रशिक्षणाच्या माध्यमातून त्यांना स्वावलंबी बनवून समाजाच्या मुख्य प्रवाहात पुन्हा सहभागी होण्यासाठी सक्षम करणे, हा शासनाचा प्रयत्न असल्याचे यावेळी सांगण्यात आले.

कारागृहाच्या विविध सुधारणांसाठी राज्य शासनाने १४ कोटी ९९ लाख रुपयांचा निधी मंजूर केला असून, या निधीतून कारागृहात आधुनिक सुविधा निर्माण करण्यात येत आहेत. त्यामुळे सुधारित आणि आधुनिक कारागृह व्यवस्थेच्या दिशेने हे महत्त्वपूर्ण पाऊल ठरले आहे.

स्वातंत्र्यदिनानिमित्त पालकमंत्री जयकुमार रावल यांनी कारागृहातील बंदिवानांना मिठाईचे वाटप करून त्यांच्याशी संवाद साधला. तसेच धुळे जिल्हा कारागृहाच्या सर्वांगीण सुधारणांसाठी शासनाच्या माध्यमातून आवश्यक ते सर्व सहकार्य करण्यात येईल, अशी ग्वाही त्यांनी दिली.

धुळे जिल्हा कारागृहाच्या आधुनिकीकरणामुळे बंदिवानांसाठी अधिक चांगल्या सुविधा, कौशल्यविकासाच्या संधी आणि पुनर्वसनाला चालना मिळणार असून, आधुनिक व मानवतावादी कारागृह व्यवस्थेच्या दिशेने धुळे जिल्ह्याने आणखी एक महत्त्वाचे पाऊल टाकले आहे.

धुळे जिल्ह्यातील समस्यांवर भारतीय संविधान सेनेच्या आंदोलनाला यश ; पालकमंत्र्यांच्या आश्वासनानंतर आमरण उपोषण स्थगित

धुळे जिल्ह्यातील समस्यांवर भारतीय संविधान सेनेच्या आंदोलनाला यश; पालकमंत्र्यांच्या आश्वासनानंतर आमरण उपोषण स्थगित

जनसंघर्ष न्यूज 

धुळे | प्रतिनिधी :
धुळे जिल्ह्यातील विविध गंभीर प्रश्नांवर आवाज उठवत भारतीय संविधान सेना अर्थात B.S.S.च्या वतीने सुरू करण्यात आलेल्या आंदोलनाला अखेर यश आले आहे. अतिक्रमण, रस्त्यांची खड्ड्यांमुळे झालेली दुरवस्था, गुटखा विक्री तसेच अवैध धंद्यांवर कारवाई करण्याच्या मागणीसाठी गेल्या सात दिवसांपासून आमरण उपोषण सुरू होते.

या आंदोलनात पक्षाचे प्रदेश प्रवक्ते आबासाहेब अमृतसागर हे आमरण उपोषणाला बसले होते. आंदोलनाची दखल घेत धुळे जिल्ह्याचे पालकमंत्री मा. जयकुमार रावल, ग्रामीणचे आमदार रामदादा भदाणे आणि भाजप जिल्हाध्यक्ष गजेंद्र अंपळकर यांच्या उपस्थितीत चर्चा करण्यात आली.

यावेळी पालकमंत्री जयकुमार रावल यांनी एका आठवड्याच्या मुदतीत अतिक्रमणाबाबत योग्य ती कार्यवाही करण्याचे आश्वासन दिल्यानंतर आमरण उपोषण तात्पुरते स्थगित करण्यात आले.

या आंदोलनाला भारतीय संविधान सेनेचे प्रमुख आनंद भाऊ लोंढे, पक्षाचे नेते इंजि. रविदादा पवार, तसेच ज्योतीताई रावत, गोपाल शिरसाठ, भाऊसाहेब बेसणे, भैय्याभाऊ वाघ, चित्तामन थोरात, किरण भालेराव, सत्यपाल रावत, चेतन गायकवाड, गौतम भाऊ पाटोळे यांच्यासह अनेक पदाधिकारी व कार्यकर्त्यांचे सहकार्य लाभले.

तसेच ज्येष्ठ आंबेडकरी नेते, समाजसेवक, कार्यकर्ते आणि पत्रकार बांधवांच्या सहकार्यामुळे हे आंदोलन यशस्वी झाल्याचे भारतीय संविधान सेनेच्या वतीने सांगण्यात आले.

“हा विजय केवळ एका संघटनेचा नसून धुळेकर जनतेच्या प्रश्नांसाठी लढणाऱ्या सर्व आंबेडकरी विचारांच्या कार्यकर्त्यांचा विजय आहे,” अशी भावना यावेळी व्यक्त करण्यात आली.

आता प्रशासनाने दिलेल्या आठवडाभराच्या आश्वासनाची पूर्तता होते का, अतिक्रमणांवर प्रत्यक्ष कारवाई केली जाते का आणि जिल्ह्यातील इतर प्रलंबित प्रश्नांवर ठोस निर्णय होतो का, याकडे धुळेकरांचे लक्ष लागले आहे.

आंदोलनाला सहकार्य करणाऱ्या सर्व ज्येष्ठ नेते, पदाधिकारी, कार्यकर्ते आणि माध्यम प्रतिनिधींचे भारतीय संविधान सेनेच्या वतीने आभार मानण्यात आले.

जय भीम! जय रविदास! जय संविधान! जय हिंद! जय महाराष्ट्र!

ईद-ए-मिलादच्या पार्श्वभूमीवर धुळे पोलिसांची मार्गदर्शक सूचना

ईद-ए-मिलादच्या पार्श्वभूमीवर धुळे पोलिसांची मार्गदर्शक सूचना

मिरवणुकीत शांतता व कायदा-सुव्यवस्था राखण्याचे आवाहन; डीजे, शस्त्रे व आक्षेपार्ह घोषणांना बंदी

धुळे, दि. 18 ऑगस्ट : ईद-ए-मिलाद 2026 सणाच्या पार्श्वभूमीवर धुळे जिल्ह्यात कायदा व सुव्यवस्था अबाधित राहावी, तसेच सण उत्साहात आणि शांततेत पार पडावा, यासाठी धुळे पोलिसांनी विविध मार्गदर्शक सूचना जारी केल्या आहेत. ईद-ए-मिलाद (मोहम्मद पैगंबर जयंती) यंदा 26 ऑगस्ट 2026 रोजी साजरा करण्यात येणार आहे.

धुळे येथील मंथन हॉल, पोलीस मुख्यालयात पोलीस अधीक्षक विशाल आनंद यांच्या अध्यक्षतेखाली पोलीस ठाणे प्रभारी अधिकारी, पोलीस निरीक्षक, जिल्हा विशेष शाखा तसेच मुस्लिम बांधव पदाधिकाऱ्यांची बैठक घेण्यात आली. या बैठकीत मिरवणूक व धार्मिक कार्यक्रमांच्या अनुषंगाने आवश्यक सूचना देण्यात आल्या.

ईद-ए-मिलादच्या दिवशी मिरवणूक, कुराण वाचन, धार्मिक प्रवचन, तकरीर, दावत-ए-आम आदी धार्मिक कार्यक्रम होणार आहेत. कायदा व सुव्यवस्था अबाधित ठेवण्यासाठी सोमवार, 24 ऑगस्ट रोजी रात्री 11.55 वाजेपासून बुधवार, 26 ऑगस्ट रोजी रात्री 11.55 वाजेपर्यंत प्रतिबंधात्मक उपाययोजना लागू राहणार आहेत.

पोलिसांनी दिलेल्या सूचनांनुसार, मिरवणुकीसाठी पूर्वपरवानगी घेणे बंधनकारक असून निर्धारित मार्गात कोणताही बदल करता येणार नाही. मिरवणुकीदरम्यान सार्वजनिक शांततेला धोका निर्माण होईल अशी भाषणे, आक्षेपार्ह घोषणा, हावभाव किंवा धार्मिक भावना दुखावणारे कृत्य करण्यास मनाई करण्यात आली आहे. रस्त्यावरून जाणाऱ्या नागरिकांना त्रास होणार नाही, याचीही आयोजकांनी दक्षता घ्यावी, असे आवाहन करण्यात आले आहे.

मिरवणुकीत झेंडे फिरवण्यासाठी वापरण्यात येणाऱ्या पाईप, लाकडी दांडे किंवा बांबूची लांबी चार फुटांपेक्षा अधिक नसावी, अशी सूचना देण्यात आली आहे. तसेच मोठ्या आवाजात सायलेंसरसह मोटारसायकल चालविणे, भरधाव वेगाने वाहन चालविणे तसेच मोटारसायकलवर ट्रिपल सीट प्रवास करण्यास प्रतिबंध करण्यात आला आहे.

मिरवणुकीत डीजे वापरण्यास पूर्णपणे बंदी असून संगीत, गायन, ढोल, वाद्ये, शिंगे आणि ध्वनिवर्धकांचा वापर नियमांनुसार करण्याचे निर्देश देण्यात आले आहेत. इतर धर्मस्थळांजवळ किंवा धार्मिक स्थळांसमोर मोठ्या आवाजात संगीत, गाणी, ढोल-ताशे अथवा कोणत्याही प्रकारचा गोंगाट करण्यास मनाई आहे.

मिरवणुकीत सोटे, तलवारी, बंदुका, भाले, सुरे किंवा शारीरिक इजा करण्यासाठी वापरता येतील अशी कोणतीही हत्यारे अथवा वस्तू बाळगण्यास सक्त मनाई करण्यात आली आहे. दगड किंवा शस्त्रे सोडण्यासाठी अथवा फेकण्यासाठी वापरली जाणारी साधने बाळगण्यासही प्रतिबंध आहे.

पोलिसांनी मुस्लिम समाजातील विविध पंथांमध्ये आपापसात वाद निर्माण होणार नाहीत, याची दक्षता घेण्याचे आवाहन केले आहे. सोशल मीडियावर दलित, हिंदू किंवा मुस्लिम समाजाबाबत धार्मिक तेढ निर्माण करणारे संदेश, चित्रे किंवा चित्रफिती प्रसारित करू नयेत. आक्षेपार्ह पोस्ट टाकणे किंवा धार्मिक भावना दुखावणारा मजकूर प्रसारित करण्यासही मनाई करण्यात आली आहे.

गोवंश तस्करी अथवा गोहत्या करू नये, अन्यथा प्रचलित कायद्यानुसार कठोर कारवाई करण्यात येईल, असा इशाराही पोलिसांनी दिला आहे. तसेच दहशतवादी किंवा अतिरेकी संघटनांशी संबंधित कोणतीही माहिती मिळाल्यास नागरिकांनी तात्काळ पोलिसांशी संपर्क साधावा, असे आवाहन करण्यात आले आहे.

मिरवणुकीच्या मार्गावर CCTV कॅमेऱ्यांद्वारे नजर ठेवण्यात येणार असून, व्हिडिओग्राफरच्या माध्यमातून संपूर्ण मिरवणुकीचे चित्रीकरण करण्यात येणार आहे. अल्पवयीन मुले बेपत्ता झाल्यास किंवा आक्षेपार्ह घोषणा देणाऱ्या व्यक्तींची माहिती मिळाल्यास तात्काळ पोलिसांना कळवावे, असेही निर्देश देण्यात आले आहेत.

ईद-ए-मिलादच्या मिरवणुकीदरम्यान यापूर्वी देण्यात आलेल्या आक्षेपार्ह घोषणा पुन्हा देऊ नयेत, तसेच कोणत्याही धर्माविरोधात आक्षेपार्ह पोस्ट किंवा घोषणा करू नयेत. धार्मिक स्थळांचा वापर बेकायदेशीर कामांसाठी होणार नाही, याचीही संबंधितांनी दक्षता घ्यावी, असे पोलिसांनी स्पष्ट केले आहे.

धुळे जिल्ह्यात ईद-ए-मिलादचा सण शांतता, बंधुभाव आणि उत्साहात पार पाडण्यासाठी नागरिकांनी पोलिसांना सहकार्य करावे, असे आवाहन धुळे पोलिस प्रशासनाने केले आहे.

धुळ्यात 175 किलो मादक पदार्थ जप्त; कंपनीसह दोघांविरुद्ध गुन्हा दाखल

धुळ्यात 175 किलो मादक पदार्थ जप्त; कंपनीसह दोघांविरुद्ध गुन्हा दाखल

जनसंघर्ष न्यूज 

धुळे : सुमारे 175 किलो मादक पदार्थ भांगच्या सन्न गोळ्या अवैधरित्या विक्री करण्याच्या उद्देशाने कंटेनरमधून वाहतूक केली जात असल्याची गोपनीय माहिती मिळाल्यानंतर धुळे स्थानिक गुन्हे शाखेने सापळा रचून कारवाई केली. या कारवाईत सुमारे 19 लाख रुपयांचा मुद्देमाल जप्त करण्यात आला असून कंपनीसह दोघांविरुद्ध गुन्हा दाखल करण्यात आला आहे.

पोलिसांना 16 ऑगस्ट 2026 रोजी मुंबई-आग्रा महामार्ग क्रमांक 3 वरून मध्यप्रदेशातून महाराष्ट्रात धुळ्याकडे येणाऱ्या MP-09/GG-3199 क्रमांकाच्या कंटेनरमधून मादक पदार्थांची तस्करी होत असल्याची गोपनीय माहिती मिळाली होती. त्यानुसार पोलीस अधीक्षक विशाल आनंद यांच्या मार्गदर्शनाखाली स्थानिक गुन्हे शाखेचे पोलीस निरीक्षक ज्ञानेश्वर वारे यांनी पथक तयार करून कारवाईचे नियोजन केले.

स्थानिक गुन्हे शाखेच्या पथकाने न्यायवैद्यक शास्त्र विभागाचे तज्ज्ञ व पंचांसह मुंबई-आग्रा महामार्गावरील सोनेगीर टोलनाक्याजवळ सापळा रचला. यावेळी संशयित कंटेनर अडवून तपासणी केली असता त्यामध्ये प्लास्टिकच्या गोण्यांमध्ये सुमारे 175 किलो मादक पदार्थ आढळून आला. या पदार्थाची अंदाजे किंमत 4 लाख रुपये, तर अशोक लेलँड कंटेनरची किंमत 15 लाख रुपये, असा एकूण 19 लाख रुपयांचा मुद्देमाल पोलिसांनी जप्त केला.

या प्रकरणी कंटेनर चालक मोहम्मद साबीर मुशरफ खान (वय 47, रा. पवनपुरी, पालदा, इंदौर, मध्यप्रदेश) याला ताब्यात घेण्यात आले आहे. पोलिसांच्या माहितीनुसार, मादक पदार्थ भांगच्या सन्न गोळ्यांच्या डब्यांवर आयुर्वेदिक चूर्ण व पाचक वटी चूर्णाच्या गोळ्या असल्याचे लेबल लावून शासनाची फसवणूक केल्याचा आरोप आहे.

या प्रकरणात मेहता आयुर्वेदिक संस्थान, सन्न हाऊस, इंदौर (मध्यप्रदेश) ही कंपनी तसेच खरेदीदार इरफान मकबूल शेख, रा. अहिल्यानगर यांच्याविरुद्धही गुन्हा दाखल करण्यात आला आहे. सोनेगीर पोलीस ठाण्यात गु.र.नं. 280/2026 अन्वये BNS कलम 318(3), 336(3), 340(2) तसेच महाराष्ट्र दारूबंदी कायद्यातील कलम 65 अ, 65 ई नुसार गुन्हा दाखल करण्यात आला आहे.

ही कारवाई पोलीस अधीक्षक विशाल आनंद व अपर पोलीस अधीक्षक अजय देवरे यांच्या मार्गदर्शनाखाली पोलीस निरीक्षक ज्ञानेश्वर वारे, पोलीस उपनिरीक्षक दिपक ढोके तसेच पोलीस अंमलदार सतीश जाधव, राहुल सानप, आरिफ पठाण, शिरीष मदाणे व सिद्धार्थ निकम यांच्या पथकाने केली.

मादक पदार्थांची अवैध वाहतूक व विक्रीविरोधात धुळे पोलिसांनी केलेल्या या कारवाईमुळे तस्करीच्या साखळीचा पर्दाफाश झाला असून, या प्रकरणाचा पुढील तपास सुरू आहे.

धुळ्यात रक्तदानाने स्वातंत्र्य दिन साजरा, 500 रक्त बाटल्यांचा संकल्प...आकाश साखला यांचा पुढाकार तर रक्तदात्यांना इंडक्शन कुकची भेट..

धुळ्यात रक्तदानाने स्वातंत्र्य दिन साजरा, 500 रक्त बाटल्यांचा संकल्प...

आकाश साखला यांचा पुढाकार तर रक्तदात्यांना इंडक्शन कुकची भेट..

जनसंघर्ष न्युज 

धुळे - धुळ्यात रक्तदान शिबिराने स्वातंत्र्य दिन साजरा करण्यात आला आहे. खंडेराव बाजार समितीच्या आकाश साखला यांच्या पुढाकारातून रक्तदान शिबिराचा आदर रोड येथे आयोजन करण्यात आलं होतं. या रक्तदान शिबिरात रक्तदान करणाऱ्या रक्तदात्यांना इलेक्ट्रिक इंडक्शन कुकची भेट देण्यात आली. सकाळपर्यंत 80 रक्तदात्यांनी रक्तदान केलं होतं तर सायंकाळपर्यंत 500 रक्त बाटल्यांचा संकल्प असल्याची माहिती सामाजिक कार्यकर्ते आकाश साखला यांनी दिली आहे. 

स्वातंत्र्य दिनाच्या निमित्ताने सामाजिक बांधिलकीतून व गरजू रुग्णांना रक्ताचा तुटवडा भासू नये याकरिता आकाश साखला यांच्या वतीने गेल्या सहा वर्षांपासून रक्तदान शिबिराचा आयोजन केलं जात आहे. या वर्षी देखील भारत मातेसह महापुरुषांच्या प्रतिमेला पुष्पहार अर्पण करून रक्तदान शिबिराला सुरुवात करण्यात आली. सकाळपासूनच रक्तदान करण्यासाठी रक्तदात्यांनी मोठ्या प्रमाणात गर्दी केल्याच दिसून आलं. 

रक्तदान शिबिरातून स्वातंत्र्य दिन साजरा होत असल्याने या युवा सामाजिक कार्यकर्त्याचं सर्वच स्तरातून कौतुक होत आहे. यावेळी असंख्य मान्यवर मोठ्या संख्येने उपस्थित होते.

पालकमंत्र्यांसमोर कुटुंबाचा सामूहिक आत्मदहनाचा प्रयत्न; आंदोलनात्मक अटक, मागण्या न मानल्यास तीव्र आंदोलनाचा इशारा.वडिलांच्या मृत्यूस कारणीभूत ठरलेल्या सावकारांवर कारवाईसाठी गोंदूरच कुटुंब आक्रमक.....

पालकमंत्र्यांसमोर कुटुंबाचा सामूहिक आत्मदहनाचा प्रयत्न; आंदोलनात्मक अटक, मागण्या न मानल्यास तीव्र आंदोलनाचा इशारा.

वडिलांच्या मृत्यूस कारणीभूत ठरलेल्या सावकारांवर कारवाईसाठी गोंदूरच कुटुंब आक्रमक.

जनसंघर्ष न्युज 

धुळे जिल्ह्याचे पालकमंत्री जयकुमार रावल यांच्या उपस्थितीत स्वातंत्र्यदिनाच्या कार्यक्रमादरम्यान शनिवारी (दि. १५ ऑगस्ट २०२६) एका कुटुंबाने सामूहिक आत्मदहनाचा प्रयत्न केल्याने एकच खळबळ उडाली. वेळीच पोलिसांनी हस्तक्षेप करत मोठा अनर्थ टाळला. त्यानंतर मंगलबाई रामदास पाटील, राजेंद्र रामदास पाटील, भाग्यश्री राजेंद्र पाटील आणि दिव्या राजेंद्र पाटील या चौघांना आंदोलनात्मक अटक करून धुळे शहर पोलीस ठाण्यात नेण्यात आले.

या कुटुंबाने यापूर्वी पालकमंत्री तसेच वरिष्ठ पोलीस व प्रशासकीय अधिकाऱ्यांकडे लेखी तक्रार सादर केली होती. तक्रारीमध्ये आठ जणांविरोधात भारतीय न्याय संहिता (BNS) कलम १०८ व ३(५) अंतर्गत गुन्हा दाखल करण्याची मागणी करण्यात आली होती. फिर्यादीच्या म्हणण्यानुसार, शेतीच्या व्यवहारातून आर्थिक फसवणूक, मानसिक छळ, धमक्या आणि सातत्याने होणाऱ्या त्रासामुळे त्यांच्या पती स्वर्गीय रामदास पाटील यांनी ७ जुलै २०२६ रोजी आत्महत्या केल्याचा आरोप मंगलाबाई रामदास पाटील यांनी केला आहे.

तक्रारीनुसार, संबंधित व्यक्तींनी शेतीचे व्यवहार प्रलंबित ठेवून आर्थिक व मानसिक त्रास दिला, वारंवार धमकावले आणि त्यामुळेच कुटुंब उद्ध्वस्त झाल्याचा दावा करण्यात आला आहे. याप्रकरणी संबंधित आठ जणांविरोधात गुन्हा दाखल करून सखोल चौकशी करावी, अशी मागणी करण्यात आली होती. या तक्रारीच्या प्रती उपविभागीय पोलीस अधिकारी, जिल्हा पोलीस अधीक्षक, जिल्हाधिकारी, विशेष पोलीस महानिरीक्षक, पोलीस महासंचालक, मुख्यमंत्री, गृहमंत्री तसेच पश्चिम देवपूर पोलीस ठाण्याला पाठविण्यात आल्या आहेत.

दरम्यान, मागण्या मान्य होत नसल्याने संतप्त झालेल्या कुटुंबाने स्वातंत्र्यदिनाच्या दिवशी पालकमंत्र्यांसमोर सामूहिक आत्मदहनाचा प्रयत्न केला. मात्र, पोलिसांनी प्रसंगावधान राखत त्यांना ताब्यात घेतले आणि आंदोलनात्मक अटक करून धुळे शहर पोलीस ठाण्यात हलविले. त्यामुळे मोठा अनर्थ टळला.

"न्याय मिळाला नाही तर आंदोलन अधिक तीव्र होणार"

पोलीस ठाण्यातूनही कुटुंबीयांनी आपली भूमिका कायम ठेवत, संबंधितांवर तातडीने गुन्हा दाखल करून न्याय द्यावा, अशी मागणी पुन्हा केली. तसेच येत्या काही दिवसांतही मागण्या मान्य न झाल्यास अधिक तीव्र स्वरूपाचे आंदोलन छेडण्यात येईल, असा स्पष्ट इशारा त्यांनी दिला.

दरम्यान, या प्रकरणातील सर्व आरोप हे तक्रारदार कुटुंबाने केलेले असून संबंधित व्यक्तींची बाजू अद्याप समोर आलेली नाही. प्रकरणाची अधिकृत चौकशी आणि पोलीस तपासानंतरच वस्तुस्थिती स्पष्ट होणार आहे.

नाशिक शालार्थ आयडी प्रकरण: मूळ तपास अधिकाऱ्याला वगळल्याने खळबळ; नियुक्ती पूर्ववत न केल्यास आंदोलनाचा इशारा.

नाशिकशालार्थ आयडी प्रकरण: मूळ तपास अधिकाऱ्याला वगळल्याने खळबळ; नियुक्ती पूर्ववत न केल्यास आंदोलनाचा इशारा.

जनसंघर्ष न्युज 

​धुळे जिल्ह्यात सह राज्यातील बहुचर्चित 'शालार्थ आयडी' घोटाळा प्रकरण पुन्हा एकदा तापण्याची चिन्हे आहेत. या प्रकरणाचे मूळ तपास अधिकारी, आर्थिक गुन्हे शाखेचे पोलीस निरीक्षक रामदास शेळके यांना तपासातून अचानक वगळण्यात आल्याने तक्रारदार डॉ. पंकज साळुंखे यांनी प्रशासनाच्या या भूमिकेवर तीव्र नाराजी व्यक्त केली आहे.

​शेळके यांचीच पुन्हा तपास अधिकारी म्हणून नियुक्ती करावी, या मागणीसाठी डॉ. साळुंखे येत्या दोन दिवसांत नाशिक पोलीस आयुक्तांना निवेदन देणार आहेत. ही नियुक्ती तत्काळ पूर्ववत न झाल्यास तीव्र आंदोलन छेडण्याचा थेट इशाराही त्यांनी दिला आहे.

​दरम्यान, तपासाची दिशा भरकटवण्यासाठी आणि आपल्यावर दबाव आणण्यासाठी विरोधकांकडून जाणीवपूर्वक षड्यंत्र रचले जात असल्याचा गंभीर आरोप डॉ. साळुंखे यांनी केला आहे. यातूनच एका जुन्या कौटुंबिक वादाचा व्हिडिओ सोशल मीडियावर प्रसारित करून आपली बदनामी केली जात असल्याचे त्यांनी स्पष्ट केले. या नव्या घडामोडींमुळे शालार्थ प्रकरणात आता काय वळण मिळते, याकडे सर्वांचे लक्ष लागून आहे.

स्वातंत्र्य दिनी मानवसेवेचा महाकुंभ ; तेराव्या वर्षी रक्तदानाचा विक्रम !

स्वातंत्र्य दिनी मानवसेवेचा महाकुंभ ; तेराव्या वर्षी रक्तदानाचा विक्रम ! 

कोरोनाच्या संकटातही खंड न पडलेली रक्तदानाची परंपरा; ललित माळी आणि हरीश माळी यांच्या पुढाकाराला हजारो रक्तदात्यांची साथ

जनसंघर्ष न्यूज 

धुळे : स्वातंत्र्य दिनाचे औचित्य साधून भारतीय जनता पार्टी, महानगर, ए. बी. फाउंडेशन धुळे आणि लायन्स क्लब धुळे यांच्या संयुक्त विद्यमाने आयोजित करण्यात आलेला तेराव्या वर्षाचा रक्तदान महाकुंभ उत्साहपूर्ण, भावनिक आणि सेवाभावी वातावरणात यशस्वीपणे संपन्न झाला.

पहिल्या वर्षी अवघ्या १७ रक्तदात्यांपासून सुरू झालेल्या या सेवायज्ञाने आज तेराव्या वर्षात पदार्पण केले असून, गेल्या बारा वर्षांपासून दरवर्षी ६०० पेक्षा अधिक रक्तपिशव्यांचा टप्पा गाठण्याची परंपरा कायम ठेवली आहे. विशेष म्हणजे, कोरोनासारख्या अत्यंत कठीण काळातही या सेवाकार्यात एक वर्षाचाही खंड पडू दिला गेला नाही.

रक्तदान करणाऱ्या प्रत्येक रक्तदात्याचा सन्मान म्हणून पहिल्या वर्षापासून पेनड्राईव्ह भेट देण्याची परंपरा जपली जात आहे. मात्र, रक्तदात्यांनी दिलेल्या रक्ताची किंमत कोणत्याही भेटवस्तूपेक्षा कितीतरी पटीने मोठी आहे. कारण हे रक्त एखाद्या अपघातग्रस्ताचा जीव वाचवू शकते, प्रसूतीदरम्यान संकटात सापडलेल्या मातेला आधार देऊ शकते किंवा गंभीर आजाराशी झुंजणाऱ्या रुग्णाला नवजीवन देऊ शकते.

आपण केलेले रक्तदान कधी, कुठे आणि कोणाच्या आयुष्यात आशेचा किरण बनेल, हे आपल्याला माहीत नसते; मात्र ते एखाद्याचे प्राण वाचवण्याचे अमूल्य कार्य नक्कीच करू शकते.

तेरा वर्षांचा सेवायज्ञ… दोन भावांची अविरत साथ!

या रक्तदान चळवळीच्या सातत्यामागे नगरसेवक ललित गंगाधर माळी आणि हरीश गंगाधर माळी यांचे सातत्यपूर्ण प्रयत्न, अचूक नियोजन आणि निस्वार्थ सेवाभाव राहिला आहे.

अवघ्या १७ रक्तदात्यांपासून सुरू झालेला हा प्रवास आज हजारो रक्तदात्यांना जोडणाऱ्या व्यापक सेवायज्ञात रूपांतरित झाला आहे. अनेक अडचणी आल्या, कोरोनासारखे संकट आले; मात्र “रक्ताची गरज असलेल्या प्रत्येक व्यक्तीपर्यंत रक्त पोहोचले पाहिजे” हा संकल्प कधीही डळमळला नाही.

या उपक्रमाला डॉक्टर, सामाजिक कार्यकर्ते, विविध सामाजिक संस्था, प्रतिष्ठित नागरिक आणि सर्वांत महत्त्वाचे म्हणजे रक्तदात्यांचे निस्वार्थ सहकार्य लाभले. त्यामुळेच हा सेवायज्ञ तेराव्या वर्षीही त्याच उत्साहाने आणि त्याच सेवाभावाने सुरू आहे.

ललित गंगाधर माळी आणि हरीश गंगाधर माळी यांच्या या अविरत सेवाभावी प्रयत्नांना मनःपूर्वक सलाम!

रक्तदान महाकुंभाला मान्यवरांची उपस्थिती

आजच्या या सेवायज्ञाला उपस्थित राहून शुभेच्छा देणारे पालकमंत्री जयकुमार भाऊ रावल, आमदार अनुप भैय्या अग्रवाल, धुळे ग्रामीणचे आमदार रामदादा भदाणे, माजी आमदार कुणाल बाबा पाटील, माजी केंद्रीय मंत्री तथा खासदार सुभाष भामरे, भाजपा जिल्हाध्यक्ष गजेंद्र शेठ अंपळकर, धुळे ग्रामीण जिल्हाध्यक्ष रामकृष्ण बापू खलाणे आणि महापौर मायादेवी परदेशी यांचे मनःपूर्वक आभार.

तसेच व्यापारी आघाडीचे जिल्हाध्यक्ष नितीनजी बंग, माजी उपनगराध्यक्ष हनुमंत आप्पा वाडीले, माजी महापौर चंद्रकांतजी सोनार, कृषी उत्पन्न बाजार समितीचे संचालक गंगाधर माळी, राष्ट्रीय स्वयंसेवक संघाचे विभागीय कार्यवाहक राजेशजी पाटील, कृषी उत्पन्न बाजार समितीचे संचालक महादेव परदेशी, उपमहापौर ज्योत्स्नाताई पाटील, नगरसेविका निशाताई महाजन, डॉ. सुशील महाजन, नगरसेवक धीरज भैय्या परदेशी, नगरसेवक ललित भाऊ आहुजा, नगरसेविका योगिताताई कुठे, नगरसेविका कविताताई कोळी, नंदू भाऊ सोनार, रणजीत राजे भोसले, नगरसेवक सनी भाऊ चौधरी, नगरसेवक रोहित भाऊ चांदवडे आणि धीरज भाऊ जगताप यांचेही मनःपूर्वक आभार.

तसेच भाजपा सरचिटणीस सुनीलजी कपिल, मंडळाध्यक्ष प्रथमेश गांधी, संजयजी बोरसे, युवराजजी बोरसे, अमोल भाऊ मराठे, प्रवीणजी पाटील, आर. एन. पाटील सर, अॅड. प्रशांत चौधरी, अॅड. राकेश चौधरी, अॅड. विजय रवंदळे, अॅड. मुकुंद माळी, अॅड. प्रभावती माळी, अॅड. विनोद सोनवणे, प्रा. तुषार करांकेसर, युवराज दादा सोनवणे, महेश माळी तसेच सर्व डॉक्टर, वकील, सामाजिक कार्यकर्ते, पदाधिकारी आणि सहकाऱ्यांचे मनःपूर्वक आभार.

यशस्वी आयोजनासाठी कार्यकर्त्यांचे योगदान

या रक्तदान महाकुंभाच्या यशस्वी आयोजनासाठी लायन्स क्लबचे अध्यक्ष तुषारजी आढावे, मयुरजी जैन, महाराष्ट्र माळी महासंघाचे जिल्हाध्यक्ष अॅड. जगदीश सूर्यवंशी, रोहित अमृतकर, सिद्धेश नाशिककर, मोहित वाघ, कृष्णा मांडे, विशाल चव्हाण, स्वप्निल बोरसे, अॅड. सतीश मुसळे, अॅड. संदीप खैरनार, दिलीप पवार, जयेश फुलपगारे, शुभम फुलपगारे तसेच असंख्य कार्यकर्त्यांनी घेतलेल्या अथक परिश्रमाबद्दल मनःपूर्वक आभार.

या महाकुंभाचे खरे नायक — रक्तदाते!

या संपूर्ण उपक्रमाचे खरे नायक म्हणजे रक्तदाते.

तुमच्या एका रक्तदानामुळे एखाद्या कुटुंबाचा आधार वाचू शकतो…

एखाद्या आईची माया वाचू शकते…

एखाद्या मुलाचे भविष्य वाचू शकते…

आणि एखाद्या व्यक्तीला जीवनाची नवी संधी मिळू शकते.

१७ रक्तदात्यांपासून सुरू झालेला हा सेवायज्ञ यापुढेही असाच अविरत सुरू ठेवण्याचा संकल्प करूया.

 रक्तदान हेच जीवनदान!

 स्वातंत्र्य दिनाची यापेक्षा मोठी मानवसेवा कोणती?

🔴 जनसंघर्ष न्यूज इम्पॅक्ट! सुंदरच कॉलनीतील महिनाभराची पाणी समस्या अखेर मार्गी लागण्यास सुरुवात

 

🔴 जनसंघर्ष न्यूज इम्पॅक्ट! सुंदरच कॉलनीतील महिनाभराची पाणी समस्या अखेर मार्गी लागण्यास सुरुवात

नागरिकांच्या तक्रारीनंतर प्रशासनाची धावपळ; पाइपलाइन दुरुस्ती आणि रस्त्याच्या खोदकामाला सुरुवात, नागरिकांना दिलासा

जनसंघर्ष न्यूज 

धुळे :-  शहरातील साक्री रोड परिसरातील सुंदरच कॉलनीमध्ये गेल्या महिनाभरापासून पाणीपुरवठा ठप्प असल्याने नागरिकांना मोठ्या त्रासाला सामोरे जावे लागत होते. पाणीपट्टी भरूनही नळाला पाणी मिळत नसल्याने नागरिकांमध्ये तीव्र नाराजी होती.

        यावेळी महानगरपालिका पालिका पाणी प्रशासन अभियंता नवनीत सोनवणे यांच्याशी संपर्क केल्यानंतर यांनी सुंदरच कॉलनी येथे सकाळी साडेदहा वाजता भेट देऊन नागरिकांची संवाद साधताना समस्या ऐकून घेत नंतर आमच्याकडे आता काम करायला माणसं नाहीत व आम्ही आता दोन दिवसानंतर काम करून देऊ त्यानंतर देखील पाणी आले नाही तर आम्ही जबाबदार नाही असे उडवा उडवी चे उत्तर देऊ लागल्याने येथील स्थानिक नागरिक पत्रकार दिनेश निकुंभ यांनी त्यांना प्रश्न विचारतात त्यांचा संताप अनावर झाला व त्यांनी पत्रकारांशी हुज्जत घालत व्हिडिओ काढले तर दोन दिवस काम होणार असे बोलत इथून पलायन केले होते. त्यानंतर पत्रकार दिनेश निकुंभ यांनी बातमी  प्रसारित करताच महिनाभरापासून गाड झोपेत असलेले पाणी प्रशासन काही तासातच जागे होऊन महापालिका प्रशासनाकडून सुंदरच कॉलनीतील पाणीपुरवठा समस्या सोडवण्यासाठी हालचाली सुरू झाल्याचे दिसून आले.

        या समस्येबाबत नागरिकांनी वारंवार संबंधित विभागाकडे तक्रारी केल्या. त्यानंतर जनसंघर्ष न्यूजने नागरिकांचा पाणीप्रश्न ठळकपणे मांडत प्रशासनाचे लक्ष वेधले होते. 

       

      यानंतर प्रशासनाकडून सुंदरच कॉलनी परिसरात पाणीपुरवठा पाइपलाइनची पाहणी आणि दुरुस्तीचे काम सुरू करण्यात आले आहे. पाइपलाइनपर्यंत पोहोचण्यासाठी रस्त्याचे खोदकाम करण्यात आले असून, जेसीबीच्या माध्यमातून कामाला सुरुवात झाली असून नळाला पाणी सोडण्यात आले आहे पण पाणी मोठ्या प्रमाणात दूषित येत असल्याने पाइपलाइन मधील बिघाड दुरुस्त करून परिसरातील पाणीपुरवठा पूर्ववत करण्यासाठी प्रशासनाकडून हालचाली सुरू झाल्याचे दिसून येत आहे. त्यामुळे महिनाभरापासून पाण्यासाठी त्रस्त असलेल्या नागरिकांना काहीसा दिलासा मिळाला आहे.

विशेष म्हणजे, नागरिकांचा प्रश्न मांडल्यानंतर प्रशासनाने दखल घेत प्रत्यक्ष कामाला सुरुवात केल्याने हा ‘जनसंघर्ष न्यूज इम्पॅक्ट’ असल्याची भावना नागरिकांकडून व्यक्त होत आहे.

मात्र, दुरुस्तीचे काम पूर्ण करून प्रत्यक्ष नळाला नियमित पाणी कधी येणार? हा महत्त्वाचा प्रश्न अद्याप कायम आहे. त्यामुळे प्रशासनाने काम तातडीने पूर्ण करून दूषित पाण्याचे समस्या सोडवून नागरिकांना नियमित पाणीपुरवठा सुरू करावा, अशी मागणी नागरिकांकडून होत आहे.

कॅमेरामनसह, जनसंघर्ष न्यूजसाठी — पत्रकार दिनेश निकुंभ.

मानधनाच्या वाढीसाठी आशा स्वयंसेविकांचे जेलभरो आंदोलन....आयटक चा पुढाकार, शेकडो आशा सेविका सहभागी.

मानधनाच्या वाढीसाठी आशा स्वयंसेविकांचे जेलभरो आंदोलन....

आयटक चा पुढाकार, शेकडो आशा सेविका सहभागी....

जनसंघर्ष न्युज 

धुळे - मानधनाच्या वाढीसह विविध प्रलंबित मागण्यासाठी आयटकच्या वतीने आशा सेविकांसाठी जेल रोड येथे जेलभरो आंदोलन करण्यात आल आहे. आंदोलनात शेकडो आशासेविका सहभागी झाल्या होत्या. यावेळी केंद्र शासनाच्या विरोधात आशा सेविकांनी घोषणाबाजी देखील दिल्या आहे. यावेळी आंदोलनकर्त्या आशा सेविकांना पोलिसांनी ताब्यात घेत नंतर सुटका केली. 

कामगार विरोधी चारही कायदे रद्द करा, आठ तासांचा कामाचा दिवस ठेवा, किमान वेतन व सामाजिक सुरक्षा सुनिश्चित करा, गटप्रवर्तक व आशा सेविका यांच्या मानधनात तात्काळ वाढ करा, गटप्रवर्तक व अशा सेविकांचं सेवानिवृत्ती वय 65 करा, आशा सेविकांना शासकीय सेवेत सामावून घ्या यांसह विविध प्रकारच्या मागण्यासाठी आशा सेविकांनी आयटकच्या नेतृत्वात जेलभरो आंदोलन केले आहे. 

यावेळी कॉम्रेड वसंत पाटील, कॉम्रेड एल आर राव, यांच्यासह गटप्रवर्तक व आशा सेविका मोठ्या संख्येने उपस्थित होत्या.

सभापतींच्या प्रभागातील सुंदरच कॉलनीत महिनाभरापासून पाणी नाही, समस्या ऐकून न घेता अभियंता नवनीत सोनवणे यांचे पलायन

 

सभापतींच्या प्रभागातील सुंदरच कॉलनीत महिनाभरापासून पाणी नाही, समस्या ऐकून न घेता अभियंता नवनीत सोनवणे यांचे पलायन 

प्रश्न विचारतात अभियंता नवनीत सोनवणे यांचा पत्रकारावर संताप !  अर्वाच्च भाषा करत घटनास्थळावरून काढता पाय

जनसंघर्ष न्यूज 

धुळे :-  शहरातील साक्री रोड परिसरातील सुंदरच कॉलनी भागात गेल्या महिनाभरापासून पाणीपुरवठा बंद आहे. हा भाग स्थायी समिती सभापती लताताई पोतदार यांच्या प्रभागात येतो. पाणी सोडणारे कर्मचारी सांगतात पाणी सोडले आहे. परंतु नळांना पाणी येतच नाही. मोटारी लावूनही येत नाही अशी नागरिकांची ओरड आहे. हा त्रास गेल्या महिनाभरापासून नागरिक सहन करीत आहेत. इकडून तिकडून पाण्याची व्यवस्था करून पिण्याच्या पाण्याची गरज भागवीत आहेत. ज्यांच्याकडे बोअर आहेत ते बोअर नसलेल्या कुटुंबांना वापराचे पाणी पुरवीत आहेत. मात्र हे असे किती दिवस चालणार. पाणीपट्टी भरूनही पाणी मिळत नाही. यामुळे शेवटी नागरिक संतप्त झाले. पाणीपुरवठा विभागाशी संपर्क साधून सोमवारी अधिकाऱ्यांना घटनास्थळी पाहणी करण्यासाठी नागरिकांनी बोलावले. वारंवार संपर्क केल्यानंतर अभियंता नवनीत सोनवणे हे सुंदरच कॉलनी सकाळी साडेदहा वाजता आले. नागरिकांनी त्यांच्यासमोर आपल्या समस्या मांडल्या. त्यांनी पाणीपुरवठा कर्मचाऱ्यांना बोलावून परिस्थितीची माहिती घेतली.

यावेळी त्यांनी नागरिकांशी बोलताना सांगितले की आम्ही तुमची समस्या सोडून देऊ पण त्यानंतर पण पाणी आले नाही तर आम्ही त्याला जबाबदार नाही असे उडवा उडवी चे उत्तर देत नागरिकांच्या समस्या सोडवण्याचे सोडून नागरिकांचा अपमान केला.

    यावेळी नवनीत सोनवणे हे एवढ्यावर न थांबता परिसरातील रहिवासी पत्रकार दिनेश निकुंभ यांनी पाणीपुरवठ्याचा प्रश्न केव्हा सुटेल असा प्रश्न विचारला असता नवनीत सोनवणे यांनी निकुंभ यांना तुम्ही कोण ? व व्हिडिओ कसं काय करत आहात व्हिडिओ केला तर मी काम करणार नाही आता २ दिवसानंतर काम होईल. यानंतर पत्रकार दिनेश राज निकुंभ यांनी सोनवणे यांना सांगितले की मी या परिसरातील नागरिक असून पत्रकार आहे असे सांगितले. यावर अभियंता सोनवणे यांनी असाल तुम्ही कोणीही. मला काय करायचं असे म्हणत चक्क आपल्या वाहनात बसून पोबारा केला. नागरिकांचे म्हणणे ऐकून न घेता आणि त्यांचे समाधान न करता अत्यंत बेजबाबदारपणे घटनास्थळावरून पलायन केले. त्यांच्या या मुजोरीबाबत नागरिकांमध्ये तीव्र नाराजी व्यक्त करण्यात आली.

बनावट शालार्थ आयडी प्रकरणात पंधरा आरोपींचा जामीन न्यायालयाकडून रद्द, सर्वोच्च न्यायालयात धाव घेणार - डॉ.पंकज साळुंखे.

बनावट शालार्थ आयडी प्रकरणात पंधरा आरोपींचा जामीन न्यायालयाकडून रद्द, सर्वोच्च न्यायालयात धाव घेणार - डॉ.पंकज साळुंखे

जनसंघर्ष न्युज 

धुळे - बनावट शालार्थ आयडी प्रकरणातील 15 आरोपींचा जामीन नासिक न्यायालयाने रद्द करत अत्यंत कडक शब्दात ताशेरे ओढल्याची माहिती आरपीआयचे महामंत्री पंकज साळुंखे यांनी दिली आहे. तसेच या प्रकरणात पश्चिम बंगाल राज्याच्या धर्तीवर दिलेल्या निकालाचा आधार घेऊन बोगस शिक्षकांना दिले जाणाऱ्या वेतना विरोधात देखिल सर्वोच्च न्यायालयात धाव घेणार असल्याच साळुंखे यांनी स्पष्ट केले आहे. 

बोगस शालार्थ आयडी प्रकरण संपूर्ण राज्यभरात गाजत आहे. या प्रकरणात नाशिक आर्थिक गुन्हे शाखेने अनेक माजी शिक्षणाधिकाऱ्यांसह अनेक बड्या माशांना ताब्यात घेतल्याने या प्रकरणाची व्याप्ती चांगलीच वाढली आहे. या प्रकरणात धमक्या येत आहे. तसेच आणखी काही लोकांना अटक होण्याची शक्यता असून शेवटपर्यंत या प्रकरणाची लढाई लढण्याची माहिती साळुंखे यांनी दिली आहे. 

शालार्थ आयडी प्रमाणेच बोगस मान्यता देखील मोठ्या प्रमाणात देण्यात आल्याच आरोप करण्यात आला आहे. राज्यातील बोगस मान्यता व शालार्थ आयडी च्या प्रकरनी नाशिक विभागात पारदर्शक पद्धतीने काम सुरू असून त्याच पद्धतीने राज्यातील इतर विभागात देखील चौकशी करण्यात यावी. या मागणीसाठी लवकरच राज्याचे मुख्यमंत्री देवेंद्र फडणवीस व पंतप्रधान नरेंद्र मोदी यांची भेट घेणार असल्याची माहिती पंकज साळुंखे यांनी दिली आहे.

धुळ्यात महाराष्ट्र नवनिर्माण सेनेच्या नवीन कार्यालयाचे उद्घाटन उत्साहात संपन्न.

धुळ्यात महाराष्ट्र नवनिर्माण सेनेच्या नवीन कार्यालयाचे उद्घाटन उत्साहात संपन्न

जनसंघर्ष न्युज 

धुळे : महाराष्ट्र नवनिर्माण सेनेच्या धुळे शहरातील नवीन कार्यालयाचा उद्घाटन सोहळा क्यू माईन क्लब समोर उत्साहपूर्ण वातावरणात संपन्न झाला. या उद्घाटनप्रसंगी माजी आमदार तथा मनसे संपर्कप्रमुख प्रकाशजी भोईर यांच्या प्रमुख उपस्थितीत फीत कापून कार्यालयाचे उद्घाटन करण्यात आले.

यावेळी मनसेच्या कार्यकर्त्यांनी व पदाधिकाऱ्यांनी मोठ्या संख्येने उपस्थित राहून पक्ष संघटन अधिक मजबूत करण्याचा निर्धार व्यक्त केला. आगामी काळात जनतेच्या विविध प्रश्नांवर प्रभावीपणे आवाज उठविण्याबरोबरच पक्षवाढीसाठी सर्वांनी एकजुटीने काम करण्याचे आवाहन यावेळी करण्यात आले.

या प्रसंगी मनसे प्रमुख रावसाहेब कदम, अजित राजपूत, संदीप जडे, प्राचीता कुलकर्णी, संतोष मिस्तरी, राजेश दुसाने, दीपक बच्छाव, निलेश गुरव, अनिल शिरसाट, अनिल चव्हाण, रामकृष्ण वाघ, गिरधर माळी, संजय सोनवणे, संध्याताई पाटील, प्रतीश पाटील, गौरव गीते, हर्षल परदेशी, शामक दादाभाई, हर्षल पाटील, मोनू मिस्त्री, दिनेश निमोनकर, देवा कोळी, सचिन बैरागी यांच्यासह अनेक पदाधिकारी, कार्यकर्ते व नागरिक उपस्थित होते.

उद्घाटनानंतर उपस्थित मान्यवरांनी नव्या कार्यालयाच्या माध्यमातून धुळे शहरातील सर्वसामान्य नागरिकांच्या समस्या सोडविण्यासाठी महाराष्ट्र नवनिर्माण सेना अधिक प्रभावीपणे कार्य करेल, असा विश्वास व्यक्त केला.

मुख्यमंत्री युवा कार्य प्रशिक्षण योजनेतील प्रशिक्षणार्थींना भरती प्रक्रियेत प्राधान्य देण्याची मागणी.

 मुख्यमंत्री युवा कार्य प्रशिक्षण योजनेतील प्रशिक्षणार्थींना भरती प्रक्रियेत प्राधान्य देण्याची मागणी.

जनसंघर्ष न्यूज 

धुळे – मुख्यमंत्री युवा कार्य प्रशिक्षण योजना पूर्ण केलेल्या प्रशिक्षणार्थींना विविध निमशासकीय, शासकीय कार्यालये तसेच आउटसोर्सिंग (कंत्राटी) भरती प्रक्रियेत प्राधान्य द्यावे, या मागणीसाठी श्री संत बागडे बाबा मानव मित्र संघटना, महाराष्ट्र राज्य व युवा प्रशिक्षणार्थी संघटना, साक्री तालुका यांच्या वतीने जिल्हाधिकाऱ्यांना निवेदन देण्यात आले.

निवेदनात सांगण्यात आले आहे की, राज्यातील सांगली, जालना, रायगड व जळगाव जिल्ह्यांप्रमाणे धुळे जिल्ह्यातही प्रशिक्षणार्थींना रोजगाराच्या संधी उपलब्ध करून देण्यासाठी आवश्यक आदेश काढावेत. शासनाच्या ९ जुलै २०२४ रोजीच्या शासन निर्णयानुसार प्रशिक्षण पूर्ण केलेल्या उमेदवारांना संबंधित उद्योग व आस्थापनांमध्ये संधी देण्याची तरतूद असून त्याची प्रभावी अंमलबजावणी धुळे जिल्ह्यातही करण्यात यावी, अशी मागणी करण्यात आली.

यासंदर्भात लवकर निर्णय न घेतल्यास १४ ऑगस्ट २०२६ रोजी मानव मित्र संघटनेच्या नेतृत्वाखाली प्रशिक्षणार्थी आमरण उपोषणास बसणार असल्याचा इशाराही निवेदनाद्वारे देण्यात आला.

यावेळी भरत पवार, सुरज गावित, गणेश भामरे, सविता अहिरे, विजय माळी, धर्मा पिपळे, मुकेश कोळी, भास्कर पगारे, चेतन पाटील, आनंद पवार, सोनाली ठाकूर, अनिता कुंवर, सुप्रिया भामरे आदी प्रशिक्षणार्थी उपस्थित होते