कारवाई; तीन मोटारसायकल चोर जेरबंद, दोन गुन्ह्यांची उकल

 चाळीसगावरोड पोलिसांची धडाकेबाज कारवाई; तीन मोटारसायकल चोर जेरबंद, दोन गुन्ह्यांची उकल

दोन चोरीच्या मोटारसायकली व २० हजारांची रोकड असा एकूण १ लाख २० हजार रुपयांचा मुद्देमाल हस्तगत; एक आरोपी फरार

जनसंघर्ष न्यूज 

धुळे - चाळीसगावरोड पोलिसांनी मोटारसायकल चोरीच्या दोन गुन्ह्यांचा यशस्वी छडा लावत तीन आरोपींना निष्पन्न केले असून, त्यांच्याकडून दोन चोरीच्या मोटारसायकली व २० हजार रुपयांची रोकड असा एकूण १ लाख २० हजार रुपयांचा मुद्देमाल हस्तगत केला आहे. या कारवाईमुळे परिसरातील वाहनचोरीच्या घटनांवर आळा बसण्यास मदत होणार आहे.

पोलिसांनी दिलेल्या माहितीनुसार, चाळीसगावरोड पोलीस ठाण्यात मोटारसायकल चोरीचे दोन गुन्हे दाखल होते. या गुन्ह्यांचा तपास सुरू असताना पोलिसांना मिळालेल्या गोपनीय माहितीच्या आधारे उमर इरफान मन्सुरी व फरदीन शेख लतीफ या दोघांना ताब्यात घेण्यात आले. चौकशीत त्यांनी मोटारसायकल चोरीची कबुली दिली.

या कारवाईत चोरीच्या दोन मोटारसायकली (एकूण किंमत १ लाख रुपये) तसेच २० हजार रुपयांची रोकड जप्त करण्यात आली. या गुन्ह्यातील हमीद रशीद अन्सारी हा आरोपी अद्याप फरार असून, त्याचा शोध सुरू आहे.

धुळेसह राज्यभरात 'लँड जिहाद'चे संघटित रॅकेट? आमदार अनुप अग्रवाल यांचा विधिमंडळात गंभीर आरोप; एसआयटी चौकशीची मागणी.

धुळेसह राज्यभरात 'लँड जिहाद'चे संघटित रॅकेट?

 आमदार अनुप अग्रवाल यांचा विधिमंडळात गंभीर आरोप; एसआयटी चौकशीची मागणी.

जनसंघर्ष न्यूज 

धुळे शहरासह संपूर्ण महाराष्ट्रात कृषी जमिनींच्या खरेदी-विक्रीत मोठ्या प्रमाणावर गैरव्यवहार झाल्याचा गंभीर मुद्दा आज राज्य विधिमंडळात उपस्थित करण्यात आला आहे.

धुळे शहराचे आमदार अनुपभैया अग्रवाल यांनी लक्षवेधी सूचनेद्वारे राज्य शासनाचे लक्ष वेधत, हा प्रकार संघटित स्वरूपातील 'लँड जिहाद' असल्याचा आरोप केला आहे. त्यांनी या संपूर्ण प्रकरणाची विशेष तपास पथक अर्थात एसआयटीमार्फत चौकशी करण्याची मागणी केली आहे.

आमदार अग्रवाल यांच्या म्हणण्यानुसार, शेतकरी नसताना बनावट शेतकरी दाखले, खोटे ७/१२ उतारे, इतर राज्यांतील जमिनींचे कागदपत्र, बनावट वारस, तसेच शासनाच्या जमिनींच्या व्यवहारांद्वारे मोठ्या प्रमाणावर महसूल बुडविण्यात आला आहे. धुळे शहरातील देवपूर, वडजाई, पिंपरी आणि नरव्हाळ परिसरातील अनेक व्यवहार संशयास्पद असल्याचा दावा त्यांनी केला.

यासोबतच या व्यवहारांमध्ये मोठ्या आर्थिक उलाढाली झाल्याने निधीचा स्रोत आणि परदेशी निधीचा वापर झाला आहे का, याचीही चौकशी करण्याची मागणी करण्यात आली आहे.

दरम्यान, महसूलमंत्री चंद्रशेखर बावनकुळे यांनी सभागृहात उत्तर देताना सांगितले की, राज्यभर अशा प्रकारच्या जमिनींच्या व्यवहारांची तपासणी सुरू असून, जमाबंदी आयुक्तांमार्फत विशेष मोहीम राबविण्यात येणार आहे. दोषी आढळणाऱ्यांवर कठोर कारवाई करण्यात येईल, असेही त्यांनी स्पष्ट केले.

या प्रकरणामुळे राज्यातील कृषी जमीन व्यवहारांबाबत नवे प्रश्न उपस्थित झाले असून, आता शासनाची पुढील भूमिका काय असणार, याकडे सर्वांचे लक्ष लागले आहे.

जन संघर्ष न्यूज, मुंबई/धुळे.

धुळे शहरातील अवैध धंदे कायमस्वरूपी बंद करा; विशेष पथक स्थापन करण्याची युवा सेनेचे ॲड. पंकज गोरे यांची मागणी

 

धुळे शहरातील अवैध धंदे कायमस्वरूपी बंद करा; विशेष पथक स्थापन करण्याची युवा सेनेचे ॲड. पंकज गोरे यांची मागणी

नाशिक परिक्षेत्राचे विशेष पोलीस महानिरीक्षक संजय येनपुरे यांना निवेदन सादर केले ; तातडीच्या कारवाईचे आश्वासन

जनसंघर्ष न्यूज 

   धुळे, दि. ७ (प्रतिनिधी): धुळे शहरातील वाढते अवैध धंदे, गुंडगिरी, महिलांच्या सुरक्षेचा प्रश्न आणि बिघडत चाललेली कायदा व सुव्यवस्था याबाबत नाशिक परिक्षेत्राचे विशेष पोलीस महानिरीक्षक संजय येनपुरे यांची भेट घेऊन युवासेना राज्य सहसचिव ॲड. पंकज गोरे यांनी सविस्तर निवेदन सादर केले.

    निवेदनात धुळे शहरातील सट्टा, पत्त्यांचे क्लब, अवैध दारू अड्डे व इतर बेकायदेशीर धंद्यांवर कायमस्वरूपी आळा घालण्यासाठी विशेष स्कॉड स्थापन करण्याची मागणी करण्यात आली आहे. तसेच गंभीर गुन्ह्यातील आरोपींवर सातत्याने देखरेख ठेवणे, गुंडांची परेड घेणे, जामिनाच्या अटींचे उल्लंघन करणाऱ्यांविरोधात कठोर कारवाई करणे आणि समाजकंटकांवर प्रभावी नियंत्रण ठेवण्याची मागणीही करण्यात आली.

    सोशल मीडियाच्या माध्यमातून गुंड प्रवृत्तीच्या व्यक्तींकडून दहशत निर्माण करणारे व्हिडिओ व आक्षेपार्ह पोस्ट प्रसारित होत असल्याने त्यांच्यावर आवश्यक निर्बंध घालावेत, अशी मागणीही निवेदनात करण्यात आली आहे.

    महिलांच्या सुरक्षेसाठी शाळा, महाविद्यालये आणि गर्दीच्या ठिकाणी दामिनी पथक अधिक सक्रिय करावे तसेच छेडछाडीच्या घटनांवर कठोर कारवाई करावी, अशीही मागणी करण्यात आली.

      नाशिक जिल्ह्यात राबविण्यात आलेल्या "कायद्याचा बालेकिल्ला" या मोहिमेच्या धर्तीवर धुळे जिल्ह्यातही विशेष मोहीम राबवून अवैध धंदे, गुंडगिरी आणि समाजकंटकांविरोधात सातत्याने कारवाई करावी, अशी मागणी ॲड. पंकज गोरे यांनी केली.

      यावेळी ॲड. पंकज गोरे यांनी विशेष पोलीस महानिरीक्षक संजय येनपुरे यांचा वृक्ष भेट देऊन सत्कार केला. निवेदनाची गांभीर्याने दखल घेत येनपुरे यांनी संबंधित बाबींवर तातडीने कारवाई करण्याबाबत सकारात्मक आश्वासन दिल्याची माहिती देण्यात आली.

घरफोडी करणारा आरोपी मुद्देमालासह जेरबंद; शिरपूर शहर पोलिसांची यशस्वी कारवाई

 

घरफोडी करणारा आरोपी मुद्देमालासह जेरबंद; शिरपूर शहर पोलिसांची यशस्वी कारवाई

जनसंघर्ष न्यूज 

शिरपूर | प्रतिनिधी

शिरपूर शहर पोलिसांनी घरफोडीच्या गुन्ह्याचा अवघ्या काही दिवसांत छडा लावत एका आरोपीला अटक करून त्याच्याकडून चोरीचा सुमारे ₹74 हजारांचा मुद्देमाल जप्त केला आहे. या कारवाईमुळे परिसरातील घरफोडीच्या गुन्ह्याचा यशस्वी उलगडा झाला आहे.

पोलिसांनी दिलेल्या माहितीनुसार, दि. 1 जुलै 2026 रोजी रात्री 10.45 ते 2 जुलै 2026 रोजी दुपारी 12.00 या कालावधीत फिर्यादी यांच्या घराचे कुलूप तोडून अज्ञात चोरट्याने घरात प्रवेश केला. यावेळी घरातून एलईडी टीव्ही, एसी आणि दोन लॅपटॉप असा एकूण ₹74 हजारांचा ऐवज चोरीस गेला होता. याप्रकरणी शिरपूर शहर पोलीस ठाण्यात गुन्हा क्रमांक 288/2026 अंतर्गत बीएनएस कलम 305(अ), 331(3) व 331(4) अन्वये गुन्हा दाखल करण्यात आला होता.

गुन्ह्याचा तपास सुरू असताना शिरपूर शहर पोलिसांच्या डी.बी. पथकाला मिळालेल्या गोपनीय माहितीच्या आधारे रविंद्र राजेंद्र पवार (रा. खुर्दे बुद्रुक, ता. शिरपूर, जि. धुळे) यास ताब्यात घेण्यात आले. चौकशीदरम्यान आरोपीने घरफोडीची कबुली दिली. त्याच्याकडून चोरीस गेलेला एलईडी टीव्ही, एसी व दोन लॅपटॉप असा एकूण ₹74 हजारांचा मुद्देमाल जप्त करण्यात आला.

ही उल्लेखनीय कारवाई पोलीस अधीक्षक विशाल आनंद, अपर पोलीस अधीक्षक अजय देवरे आणि उपविभागीय पोलीस अधिकारी सुधीर पाटील यांच्या मार्गदर्शनाखाली पोलीस निरीक्षक किशोरकुमार परदेशी यांच्या नेतृत्वाखाली डी.बी. पथकातील अधिकारी व कर्मचाऱ्यांनी यशस्वीरित्या पार पाडली.

शिरपूर शहर पोलिसांच्या या तातडीच्या कारवाईमुळे घरफोडीचा गुन्हा उघडकीस आला असून, चोरीचा मुद्देमाल हस्तगत करण्यात पोलिसांना यश आले आहे.

२४ तासांत जबरी चोरीचा पर्दाफाश; चाळीसगाव रोड पोलिसांची धडाकेबाज कारवाई

 

२४ तासांत जबरी चोरीचा पर्दाफाश; चाळीसगाव रोड पोलिसांची धडाकेबाज कारवाई

एक आरोपी अटकेत; ५४ हजार ९०० रुपयांचा मुद्देमाल हस्तगत, दोन फरार आरोपींचा शोध सुरू

जनसंघर्ष न्यूज 

धुळे | प्रतिनिधी :

चाळीसगाव रोड पोलिसांनी जबरी चोरी व मारहाणीच्या गुन्ह्याचा अवघ्या २४ तासांत छडा लावत चार आरोपींच्या टोळीचा पर्दाफाश केला आहे. या कारवाईत एका आरोपीला अटक करण्यात आली असून त्याच्याकडून मोबाईल, रोकड व गुन्ह्यात वापरलेली मोटारसायकल असा एकूण ५४ हजार ९०० रुपयांचा मुद्देमाल जप्त करण्यात आला आहे. उर्वरित दोन फरार आरोपींचा शोध सुरू आहे.

३० जून २०२६ रोजी मध्यरात्री साडेबारा वाजण्याच्या सुमारास धुळे शहरातील शंभर फूटी रोडवरील शासकीय दूध डेअरीजवळ फिर्यादीला अडवून मारहाण करण्यात आली. आरोपींनी फिर्यादीचा मोबाईल, चार हजार रुपयांची रोकड जबरदस्तीने हिसकावून घेतली. तसेच मोबाईलद्वारे ऑनलाइन ९०० रुपये ट्रान्सफर करून पोबारा केला.

या प्रकरणी चाळीसगाव रोड पोलीस ठाण्यात भारतीय न्याय संहिता (BNS) कलम ३०९(६), ३५१(२), ३५२ व ३(५) अन्वये गुन्हा दाखल करण्यात आला होता. पोलीस निरीक्षक विवेक पवार यांच्या मार्गदर्शनाखाली विशेष तपास पथकाने तांत्रिक विश्लेषण व गोपनीय माहितीच्या आधारे आरोपींचा माग काढत एकाला अटक केली.

अटकेतील आरोपीकडून चोरीस गेलेला मोबाईल, रोकड आणि गुन्ह्यात वापरलेली हिरो स्प्लेंडर मोटारसायकल जप्त करण्यात आली. पोलिसांनी या गुन्ह्याचा यशस्वी उलगडा करत फरार आरोपींना अटक करण्यासाठी शोधमोहीम सुरू ठेवली आहे.

ही कारवाई पोलीस अधीक्षक विशाल आनंद, अपर पोलीस अधीक्षक अजय देवरे आणि उपविभागीय पोलीस अधिकारी राजकुमार उपासे यांच्या मार्गदर्शनाखाली पोलीस निरीक्षक विवेक पवार तसेच चाळीसगाव रोड पोलीस ठाण्याच्या पथकाने केली.

धुळ्यात विनापरवाना गुंगीकारक कफ सिरपची वाहतूक उधळली; स्थानिक गुन्हे शाखेची मोठी कारवाई

 

धुळ्यात विनापरवाना गुंगीकारक कफ सिरपची वाहतूक उधळली; स्थानिक गुन्हे शाखेची मोठी कारवाई

शिरपूर येथील संशयिताकडून 18 हजार 400 रुपयांचा मुद्देमाल जप्त; NDPS कायद्यान्वये गुन्हा दाखल

जनसंघर्ष न्यूज 

धुळे | प्रतिनिधी

धुळे जिल्हा पोलिसांच्या स्थानिक गुन्हे शाखेने गुंगीकारक औषधांची विनापरवाना विक्री व वाहतूक करणाऱ्यांविरोधात मोठी कारवाई करत शिरपूर येथील एका संशयिताला ताब्यात घेतले. या कारवाईत 18 हजार 400 रुपयांचा मुद्देमाल जप्त करण्यात आला असून 160 बाटल्या गुंगीकारक कफ सिरप जप्त करण्यात आल्या आहेत.

जिल्हा पोलीस अधीक्षक विशाल आनंद यांच्या मार्गदर्शनाखाली पोलिस निरीक्षक ज्ञानेश्वर वारे यांना मिळालेल्या गोपनीय माहितीनुसार 3 जुलै 2026 रोजी स्थानिक गुन्हे शाखेच्या पथकाने शिंदखेडा शहरातील रेल्वे स्टेशन रोड परिसरात सापळा रचला. यावेळी किरण वसंत सकटे (रा. मच्छीबाजार, शिरपूर) याच्या ताब्यातील बॅगची तपासणी केली असता Codeine Phosphate आणि Triprolidine Hydrochloride घटक असलेल्या Conez TR या कफ सिरपच्या 100 मिलीच्या 160 बाटल्या आढळून आल्या.

सदर औषधांची एकूण किंमत 18 हजार 400 रुपये असून संबंधिताकडे त्याबाबत कोणताही वैध परवाना नसल्याचे निष्पन्न झाले. त्यानंतर आरोपीविरुद्ध शिंदखेडा पोलीस ठाण्यात गुन्हा रजिस्टर क्रमांक 164/2026 अन्वये भारतीय न्याय संहिता (BNS) कलम 123, 278, तसेच अंमली औषधी व मनोव्यापारावर परिणाम करणारे पदार्थ अधिनियम (NDPS Act) 1985 आणि औषधी व सौंदर्य प्रसाधने अधिनियम 1940 अंतर्गत गुन्हा दाखल करण्यात आला आहे.

या प्रकरणाचा पुढील तपास सपोनि. दीपक ठोके करीत असून आरोपीने ही औषधे कोठून आणली व त्यामागील रॅकेटचा शोध घेण्यासाठी पोलिसांकडून सखोल तपास सुरू आहे. सदर कारवाई पोलीस अधीक्षक विशाल आनंद, अपर पोलीस अधीक्षक अजय देवरे यांच्या मार्गदर्शनाखाली पोलिस निरीक्षक ज्ञानेश्वर वारे, सपोनि. दीपक ठोके व स्थानिक गुन्हे शाखेच्या पथकाने यशस्वीरीत्या पार पाडली.

आमदार चेतन वसावा यांना राजकीय षडयंत्रपूर्वक खोटे केस मध्ये अडकवणाऱ्या संबंधित अधिकाऱ्यांची एसआयटी चौकशी करून आमदार वसावा यांना मुक्त करा - भिल समाज विकास मंच ची मागणी.

 

आमदार चेतन वसावा यांना राजकीय षडयंत्रपूर्वक खोटे केस मध्ये अडकवणाऱ्या संबंधित अधिकाऱ्यांची एसआयटी चौकशी करून आमदार वसावा यांना मुक्त करा - भिल समाज विकास मंच ची मागणी.

जनसंघर्ष न्यूज 

एरंडोल प्रतिनिधी - येथील भील समाज विकास मंच महाराष्ट्र राज्य यांच्यातर्फे आमदार चेतन वसावा यांच्यावर राजकीय षडयंत्रपूर्वक खोट्या केसेस मध्ये अडकवून त्यांना अटक करण्यात आली असल्याची बातमी ऐकुन आमदार वसावा यांना अडकवणाऱ्या संबंधित अधिकाऱ्यां ची एस आय टी चौकशी करण्यात यावी या मागणीचे निवेदन एरंडोल प्रांताधिकारी मनीष कुमार गायकवाड यांना देण्यात आले.

        निवेदनात आदिवासी आवाज या न्यूज चॅनलवरील व्हिडिओ तसेच वर्तमानपत्रातील मजकूर वरील माहितीचे अवलोकन केले असता गुजरात मधील डेडियापाडा येथील आदिवासी आमदार चेतन वसावा यांना 2023 मधील कथित प्रकरणात जिल्हा न्यायालयाने ७ वर्षांची शिक्षा झाल्याची माहिती प्राप्त झाली आहे.आमदार चेतर वसावा यांच्या सकट त्यांच्या सात दिवसाची बाळंतीण पत्नी व सात दिवसाचे निरागस बालकाला न्यायालयीन कोठडीत ठेवण्याचे वृत्तपत्र व सोशल मीडियावर माहिती फिरत आहे तसेच दुसऱ्या बाजूला संपूर्ण भारतात त्यांचा एक व्हिडिओ व्हायरल होत आहे.ज्यामध्ये काही महिन्यापूर्वी ते भाषणात सांगत आहेत की मला बीजेपी या राजकीय पक्षाकडून धमक्या येत आहेत ते मला त्यांच्या पक्षात सामील करण्यासाठी दबाव आणत आहे मी बीजेपी या पक्षात सामील नाही झालो तर मला फसवून संपवतील असा व्हिडिओ फिरत आहे म्हणून आम्हाला समस्त आदिवासी समाजाला व लोकशाही वर विश्वास ठेवणाऱ्या लोकांची एक मागणी आहे की सदर घटनेची एस आय टी स्थापन करून सखोल चौकशी करण्यात यावी तसेच वर्तमान मध्ये चेतर वसावा यांना वरील कोर्टात जामीन मंजूर करून त्यांना जेल मधून मुक्त करण्यात यावे अशी मागणी भिल समाज विकास मंच महाराष्ट्र राज्य यांच्यातर्फे एका निवेदनाद्वारे करण्यात आली आहे.

     यावेळी महाराष्ट्र राज्य संपर्क प्रमुख तथा जळगाव जिल्हाध्यक्ष दिपक अहिरे, सोशल मीडिया जिल्हाप्रमुख सागर वाघ, एरंडोल तालुकाध्यक्ष भैय्या मोरे, युवा तालुकाध्यक्ष निहाल सोनवणे, लश्मण जावळे, पंढरीनाथ मोरे, सखाराम मोरे, वासुदेव गायकवाड,राजधर सोनवणे,करण सोनवणे, मोतीराम जावळे, हिरालाल सोनवणे,बादल ठाकरे,करण बेलदार,आकाश ठाकरे,अजय बेलदार, कुणाल अहिरे, दिपक सुर्यवंशी आदी उपस्थित होते.

धुळे स्थानिक गुन्हे शाखेची मोठी कारवाई; गुंगीकारक औषधांचा १०.५१ लाखांचा मुद्देमाल जप्त

 

धुळे स्थानिक गुन्हे शाखेची मोठी कारवाई; गुंगीकारक औषधांचा १०.५१ लाखांचा मुद्देमाल जप्त

जनसंघर्ष न्यूज 

धुळे : गुंगीकारक औषधांच्या अवैध विक्रीवर आळा घालण्यासाठी धुळे स्थानिक गुन्हे शाखेने मोठी कारवाई करत १० लाख ५१ हजार २५० रुपयांचा मुद्देमाल जप्त केला आहे. या कारवाईत कोडीनयुक्त कफ सिरपच्या ४१० बाटल्या, एक इनोव्हा कार व मोबाईल फोन हस्तगत करण्यात आला आहे.

पोलीस अधीक्षक विशाल आनंद यांच्या मार्गदर्शनाखाली स्थानिक गुन्हे शाखेला मिळालेल्या गोपनीय माहितीनुसार मुंबई-आग्रा महामार्गावर सापळा रचण्यात आला. यावेळी गुजरात राज्यातील सुरत येथील रहिवासी एजाज रफीक शेख (वय २५) याच्या ताब्यातून मानवी मेंदूवर विपरीत परिणाम करणाऱ्या कोडीनयुक्त कफ सिरपच्या बाटल्या आढळून आल्या.

कारवाईदरम्यान REXTON-T आणि CANAX-T या ब्रँडच्या एकूण ४१० बाटल्या जप्त करण्यात आल्या. तसेच आरोपीकडील इनोव्हा कार (क्रमांक GJ-16/BB-2607) आणि मोबाईल फोनही ताब्यात घेण्यात आला. जप्त मुद्देमालाची एकूण किंमत १० लाख ५१ हजार २५० रुपये असल्याचे पोलिसांनी सांगितले.

या प्रकरणी धुळे शहर पोलीस ठाण्यात एनडीपीएस कायदा तसेच औषध व सौंदर्यप्रसाधने अधिनियमांतर्गत गुन्हा दाखल करण्यात आला आहे. पुढील तपासादरम्यान सुरत येथून आणखी दोन संशयितांना ताब्यात घेण्यात आले असून या अवैध साखळीचा उलगडा करण्यासाठी तपास सुरू आहे.

ही कारवाई पोलीस निरीक्षक ज्ञानेश्वर वारे, स्थानिक गुन्हे शाखेचे अधिकारी व कर्मचाऱ्यांच्या पथकाने यशस्वीरीत्या पार पाडली.

इलेक्ट्रिक पाण्याची मोटार चोरी प्रकरणाचा उलगडा; धुळे तालुका पोलिसांची कारवाई

 

इलेक्ट्रिक पाण्याची मोटार चोरी प्रकरणाचा उलगडा ; धुळे तालुका पोलिसांची कारवाई

एक आरोपी जेरबंद, ३२ हजार रुपयांचा मुद्देमाल हस्तगत

जनसंघर्ष न्यूज 

धुळे - तालुका पोलिसांनी इलेक्ट्रिक पाण्याची मोटार चोरी प्रकरणाचा यशस्वी उलगडा करत एका आरोपीला अटक केली असून त्याच्याकडून सुमारे ३२ हजार रुपयांचा मुद्देमाल जप्त करण्यात आला आहे.

पोलिसांनी दिलेल्या माहितीनुसार, दिनांक २८ मे २०२६ रोजी कुसुंबा शिवारातील जानाबारा धरण परिसरात शेतकरी बल्लभ काशिनाथ माळचे (रा. मेहेरगाव, ता. जि. धुळे) यांच्या शेतातील इलेक्ट्रिक पाण्याची मोटार अज्ञात चोरट्यांनी चोरून नेली होती. याप्रकरणी धुळे तालुका पोलीस ठाण्यात गुन्हा क्रमांक ३१४/२०२६, कलम ३०३(२) बीएनएस अंतर्गत गुन्हा दाखल करण्यात आला होता.

घटनेचे गांभीर्य लक्षात घेऊन पोलीस निरीक्षक धनंजय पाटील यांच्या मार्गदर्शनाखाली तपास पथकाने गुप्त माहितीच्या आधारे संशयित दिपक नाना मोरे (वय २०, रा. बलानो, ता. जि. धुळे) यास ताब्यात घेतले. चौकशीदरम्यान आरोपीने गुन्ह्याची कबुली दिल्यानंतर चोरीस गेलेला मुद्देमाल जप्त करण्यात आला.

जप्त करण्यात आलेल्या मुद्देमालामध्ये ५ एचपीची जलपरी पाण्याची मोटार, आणखी एक पाण्याची मोटार तसेच स्प्लेंडर मोटारसायकलचा समावेश असून एकूण ३२ हजार रुपयांचा ऐवज हस्तगत करण्यात आला आहे.

ही कारवाई पोलीस अधीक्षक विशाल आनंद, अपर पोलीस अधीक्षक अजय देवरे आणि उपविभागीय पोलीस अधिकारी संजय बांदे यांच्या मार्गदर्शनाखाली पोलीस निरीक्षक धनंजय पाटील तसेच पथकातील अधिकारी व कर्मचाऱ्यांनी केली.

परळी युवक हत्या प्रकरण फास्ट ट्रॅक न्यायालयात चालवा - जनकल्याण मानवता मिशनच्या वतीने मागणी जनसंघर्ष न्यूज

 परळी युवक हत्या प्रकरण फास्ट ट्रॅक न्यायालयात चालवा 

जनकल्याण मानवता मिशनच्या वतीने मागणी

जनसंघर्ष न्यूज 

परळी वैजनाथ, प्रतिनिधी : परळी वैजनाथ येथील युवक तोहिद केरातोवाण पगण यांच्या हत्या प्रकरणातील आरोपींवर कठोर कारवाई करून हे प्रकरण फास्ट ट्रॅक न्यायालयात चालविण्यात यावे, अशी मागणी जनकल्याण मानवता मिशनच्या वतीने करण्यात आली आहे.

यासंदर्भात महाराष्ट्राचे मुख्यमंत्री तथा गृहमंत्री देवेंद्र फडणवीस यांना निवेदन देण्यात आले असून संस्थापक अध्यक्ष फिरोज गफ्फार शेख यांनी ही मागणी केली आहे.

निवेदनात म्हटले आहे की, तोहिद केरातोवाण पगण यांची निर्घृण हत्या करून त्यांचा मृतदेह रेल्वेमार्गावर फेकून देण्यात आल्याची घटना समोर आली आहे. या घटनेमुळे परिसरात संतापाचे वातावरण निर्माण झाले असून नागरिकांमध्ये भीती व अस्वस्थता पसरली आहे.

या प्रकरणाची निष्पक्ष, सखोल व जलद चौकशी करून सर्व आरोपींना तात्काळ अटक करण्यात यावी. तसेच हत्येमागील संपूर्ण कट, कारणे व संबंधित बाबींचा तपास करून दोषींवर कठोरात कठोर कारवाई करावी, अशी मागणी निवेदनातून करण्यात आली आहे.

पीडित कुटुंबाला लवकर न्याय मिळण्यासाठी हे प्रकरण फास्ट ट्रॅक न्यायालयात चालवावे तसेच पीडित कुटुंबास आवश्यक संरक्षण व मदत उपलब्ध करून द्यावी, असेही निवेदनात नमूद करण्यात आले आहे.

या निवेदनाच्या प्रती पोलीस महासंचालक, पोलीस महानिरीक्षक, जिल्हाधिकारी व पोलीस अधीक्षक यांनाही पाठविण्यात आल्या आहेत.

धुळ्यात भुमाफियांचा हौदोस बेकायदेशीर खरेदी करून जमीन हडप करण्याचे प्रयत्न - जयेश आबा बागुल

 

धुळ्यात भुमाफियांचा हौदोस बेकायदेशीर खरेदी करून जमीन हडप करण्याचे प्रयत्न - जयेश आबा बागुल 

एकाच प्लॉटची दोन वेळा विक्री मालकी हक्क वादाला नवे वळण ; बेकायदेशीर व्यवहाराचा झाल्याचा संशय 

जयेश आबा बागुल यांचे पत्रकार परिषदेत गंभीर आरोप

जनसंघर्ष न्यूज 

धुळे :- देवपूर येथील प्लॉट मालकी हक्क व कथित बेकायदेशीर खरेदी-विक्री प्रकरणी धुळे जिल्हा मराठी पत्रकार भवनात पत्रकार परिषद घेण्यात आली. यावेळी जयेश आबा बागुल यांनी संबंधित प्रकरणाची सविस्तर माहिती देत न्याय मिळवून देण्याची मागणी प्रशासनाकडे केली.

  पत्रकार परिषदेत बोलताना जयेश बागुल यांनी सांगितले की, देवपूर येथील सिटी सर्व्हे क्रमांक २०६५ असलेला प्लॉट त्यांच्या आई स्व. भारती आबा बागुल यांनी १९८९ मध्ये कायदेशीररीत्या खरेदी केला होता. त्यानंतर फेरफार नोंदीनुसार त्यांच्या आईचे नाव अभिलेखात दाखल झाले होते. आईच्या निधनानंतर कायदेशीर वारस म्हणून त्यांचे नाव सिटी सर्व्हे नोंदीत समाविष्ट करण्यात आले असल्याचे त्यांनी सांगितले.मात्र, कोणतीही पूर्वसूचना अथवा नोटीस न देता संबंधित मिळकतीवर इतर व्यक्तींची नावे नोंदविण्यात आल्याचा आरोप त्यांनी केला. माहिती अधिकारांतर्गत माहिती मागवूनही ती देण्यात आली नसल्याचा दावा करत संबंधित अधिकारी आणि कर्मचाऱ्यांच्या भूमिकेची चौकशी करण्याची मागणी त्यांनी केली.

तसेच, संबंधित प्लॉटची बेकायदेशीररीत्या खरेदी-विक्री करण्यात आल्याचा आरोप करत या व्यवहाराविरोधात जिल्हा अधीक्षक भूमी अभिलेख कार्यालयाकडे अपील दाखल केल्याची माहिती त्यांनी दिली. प्रकरण न्यायप्रविष्ट असताना प्रशांत लोटन सनेर व रणजितसिंग साहेबराव राजपुत व प्लॉटवर येऊन धमकी देत सामान हटविण्याचा प्रयत्न केल्याचाही आरोप त्यांनी केला. यासंदर्भात देवपूर पोलीस ठाण्यात अदखलपात्र गुन्ह्याची नोंद करण्यात आल्याचे त्यांनी स्पष्ट केले.

या संपूर्ण प्रकरणाची निष्पक्ष चौकशी करून दोषींवर कठोर कारवाई करण्यात यावी तसेच आपल्या कुटुंबाला न्याय मिळावा, अशी मागणी जयेश बागुल यांनी पत्रकार परिषदेतून केली.

सदर प्लॉटवर प्रशांत सनेर व रणजीत सिंग साहेबराव राजपूत येऊन धमकी देत सामान आठवण्याचा प्रयत्न करताना आम्ही पोलिसांना 112 नंबर वर फोन करून गाडी बनवली असल्यास तेथे पोलिसांना देखील गम करण्यात आलं की बॉबी येत आहे तुम्ही आत्ताच्या आत्ता निघून जा नाहीतर तुमचं काही खरं नाही असे धमकविले असल्याचे जयेश बागुल यांच्या मावशीने पत्रकार परिषद आरोप केले आहे.

आम्ही अनेक वेळा भूमी अभिलेख येथे आमच्या प्लॉटचे नोंदी व कागदपत्र काढण्यासाठी गेलो असता तिथे आम्हाला उडवा उडवीचे उत्तर देत सांगितले जाते की आपल्या प्लॉटचे आमच्या कार्यालयात एकही कागदपत्र नाही कागदपत्र गहाळ झाले आहेत व बाकी कागदपत्र कुजलेल्या अवस्थेत आहे त्यामुळे आम्ही तुम्हाला कागदपत्र देऊ शकत नाही असे सांगून धुडकावून लावले जाते असे पत्रकार परिषदेत जयेश बागुल यांनी सांगितले.

निकुंभे गावात ग्रामस्थाची हत्या; आरोपी कुटुंबाला हद्दपार करण्याची गावकऱ्यांची मागणी

निकुंभे गावात ग्रामस्थाची हत्या; आरोपी कुटुंबाला हद्दपार करण्याची गावकऱ्यांची मागणी

जनसंघर्ष न्यूज 

धुळे - जिल्ह्यातील निकुंभे येथे शानाभाऊ शंभू पाटील या ग्रामस्थाची हत्या झाल्याची धक्कादायक घटना समोर आली आहे. ८ जून रोजी शानाभाऊ पाटील यांच्यावर गावातीलच दशरथ किसन ठाकरे याने पाठीमागून लोखंडी रॉडने प्राणघातक हल्ला केल्याचा आरोप आहे. या हल्ल्यात गंभीर जखमी झालेल्या पाटील यांचा दुसऱ्या दिवशी, ९ जून रोजी उपचारादरम्यान मृत्यू झाला. या घटनेच्या तीव्र निषेधार्थ निकुंभे गावातील संतप्त ग्रामस्थांनी आज धुळ्याचे पोलीस अधीक्षक कार्यालय गाठून प्रशासनाला निवेदन दिले आहे.

आरोपी आणि त्याच्या संपूर्ण कुटुंबाची गुन्हेगारी पार्श्वभूमी असून, गेल्या अनेक वर्षांपासून त्यांनी गावात दहशत माजवली असल्याचा दावा ग्रामस्थांनी केला आहे. शेतातील साहित्याच्या चोऱ्या करणे, दमदाटी करणे आणि खोटे आरोप करून त्रास देणे, असे प्रकार या कुटुंबाकडून होत असल्याच्या तक्रारी निवेदनात नमूद आहेत. या गुन्हेगारीला कंटाळून, मुख्य आरोपीला कठोर शिक्षा व्हावी आणि त्याच्या संपूर्ण कुटुंबाला कायमस्वरूपी जिल्ह्यातून हद्दपार करावे, अशी आक्रमक मागणी ग्रामस्थांनी केली आहे. योग्य कारवाई न झाल्यास गावातील शांतता धोक्यात येऊ शकते, असेही निवेदनात स्पष्ट करण्यात आले आहे.

धुळे तालुका पोलीसांचा गुटखा तस्करांना दणका

 

धुळे तालुका पोलीसांचा गुटखा तस्करांना दणका 

वोल्वो लक्झरीच्या आड गुटखा तस्करीचा गुन्हा उघड ; 8 लाख 18 हजार 85 रूपयांच्या गुटखा सह वोल्वो लक्झरी जप्त 

जनसंघर्ष न्यूज 

         धुळे - पोलीस निरीक्षक श्री.धनंजय पाटील यांना दिनांक-20/01/2026 रोजी त्यांच्या विश्वसनिय गुप्त बातमीदाराकडून माहिती मिळाली होती की, इंदौर येथून श्यामोली परिवहन कंपनीची वोल्वो लक्झरी क्रमांक-MP-41-ZJ-7444 हिचेत पुणे कडेस महाराष्ट्र राज्यात प्रतिबंधीत असलेला सुगंधीत पान मसालाची वाहतुक होत असल्याची गुप्त माहिती मिळाली त्यावरुन प्रकरणाचे गांभीर्य लक्षांत घेवून मा. पोलीस अधीक्षक, धुळे श्री. श्रीकांत धिवरे, मा. अपर पोलीस अधीक्षक श्री. अजय देवरे, श्री. संजय बांबळे उप-विभागीय पोलीस अधिकारी यांना घटनेची माहिती देवुन त्यांच्या मार्गदर्शनपर सुचनेप्रमाणे अधिनस्त असलेले अधिकारी व अंमलदारांना सुचना देवून पोलीस निरीक्षक श्री. धनंजय पाटील, मुंबई आग्रा महामार्ग क्रमांक-03 वर आर्वी पोलीस दुरक्षेत्र समोरच नाकाबंदी करुन सापळा लावला व दिनांक-21/01/2026 रोजीचे 02.00 वाजेच्या सुमारास श्यामोली परिवहन कंपनीची वोल्वो लक्झरी क्रमांक-MP-41-ZJ-7444 इंदौर कडून मालेगांव कडेस येतांना दिसली तसेच मिळालेल्या बातमीतील वाहनाची देखील खात्री झाल्याने नमुद लक्झरीला थांबण्याचा इशारा करुन थांबविली व पंचासमक्ष लक्झरीच्या डिक्कीची तपासणी व झडती घेतली असता त्यात वाहनांतील प्रवाश्यांच्या बॅगच्या शेजारीच पांढ-या गोण्या दिसुन आल्याने बातमीची खात्री झाल्याने नमुद गोण्या उघडुन तपासणी केली असता त्यात राजश्री पान मसाला, रजनीगंधा पानमसाला व RMD PAN MASALA सोबत सुगंधीत तंबाकूचा साठा असा एकुण एकुण-818085/-रुपये किंमतीचा प्रतिबंधीत पान मसालाचा साठा मिळून आला असुन या प्रकरणी [1] श्यामोली परिवहन कंपनीचा मॅनेजर अरुप सरकार रा.इंदौर [2] शर्मा ट्रॅव्हल्स, कंपनीचा मालक कमल शर्मा रा.इंदौरे [3] पुणे येथील प्रविण नावाचा व्यक्ती [4] वोल्वो लक्झरी क्रमांक-MP-41-ZJ-7444 चा ड्रायव्हर सचिन दिनेश बाडोले वय-31 व्यवसाय-ड्रायव्हर रा.D365 आवास नगर देवास [मध्यप्रदेश] व [5] बिरजूदास रतनदास बैरागी वय-48 रा. इंदौर [मध्यप्रदेश] [6] बसचा कंडक्टर प्रदीपकुमार लक्ष्मीनारायण सुर्यवंशी रा.इंदौर यांचे विरुध्द पोलीस हवलदार चेतन कंखरे यांचे तक्रारीवरुन धुळे तालुका पोलीस ठाण्यात गुन्हयाची नोंद करण्यात आली असुन आरोपी नामे [4] वोल्वो लक्झरी क्रमांक-MP-41-ZJ-7444 चा ड्रायव्हर सचिन दिनेश रा.देवास [मध्यप्रदेश] [5] बिरजूदास रतनदास बैरागी रा.इंदौर [मध्यप्रदेश] [6] बसचा कंडक्टर प्रदीपकुमार लक्ष्मीनारायण सुर्यवंशी रा.इंदौर यांना अटक करण्यात आली असुन नमुद गुन्हयाचा पुढील तपास पोउनि छाया पाटील करीत आहेत. गुटखा तस्करांनी आता नव्याने पॉश वोल्वो ट्रॅव्हल्सचा आडमार्गाने गुटखा तस्करी करत असल्याचे अधोरेखीत झाले असुन अशा प्रकरांना आळा घालण्यासाठी पोलीसांनी कंबर कसली आहे. या प्रकरणांत 818085/-रुपये किंमतीचा प्रतिबंधीत पान मसाला व 1,50,00,000/-रुपयाची वोल्वो लक्झरी बस जप्त करण्यात आली आहे.

   सदर छापा कारवाईत पोलीस निरीक्षक, श्री. धनंजय पाटील यांचे पर्यवेक्षणात मपोउनि छाया पाटील, पोहवा-गणेश शांताराम काळे, पोहवा- कुणाल पानपाटील, पोहवा-चेतन कंखरे, पोहवा- सुमित ठाकुर, पोकॉ- विशाल पाटील, पोकॉ सुरेंद्र खांडेकर, पोकॉ निलेश पाटील, पोकों- प्रमोद पाटील, पोकॉ- योगेश पाटील यांनी सहभाग घेवून अथक परिश्रम घेतले आहेत.

महानगरपालिका निवडणुकीच्या पार्श्वभूमीवर स्थानिक गुन्हे शाखेची गुन्हेगारांवर करडी नजर ; गावठी कट्टा सह आरोपी जेरबंद

महानगरपालिका निवडणुकीच्या पार्श्वभूमीवर स्थानिक गुन्हे शाखेची गुन्हेगारांवर करडी नजर 

 विशेष मोहिम दरम्यान देशी गावठी कट्टा बाळगणाऱ्यास स्थानिक गुन्हे शाखा, धुळे ने घेतले ताब्यात

जनसंघर्ष न्यूज 

      धुळे :- मा. पोलीस अधीक्षक धुळे श्री. श्रीकांत धिवरे यांनी धुळे महानगरपालिका निवडणुकीच्या अनुषंगाने विशेष मोहिम राबवुन अवैध धंदयांसह अवैध शस्त्रांवर कारवाई करण्याचे निर्देश दिले आहेत.

      त्याअनुषंगाने दि.10/01/2026 रोजी पोलीस निरीक्षक, श्रीराम पवार, स्थानिक गुन्हे शाखा, धुळे यांना प्राप्त गोपनिय माहितीचे आधारे धुळे शहरातील वरखेडी रोडवरील डंपींग ग्राऊंड जवळ इसम अरबाज महम्मंद शरीफ अन्सारी, वय-22 वर्ष, रा.मौलावी गंज, धुळे यास विना परवाना देशी गावठी कट्टा (पिस्टल) दहशत माजविण्याच्या उद्देशाने देशी गावठी कट्टा (पिस्टल) कब्जात बाळगतांना अग्निशस्त्रसह ताब्यात घेण्यात आले आहे. त्याचे ताब्यात मिळुन आलेल्या मुद्देमाल आढळून आला आहे यामध्ये एक देशी गावठी कट्टा (पिस्टल) मॅग्झीन व स्ट्रायकर पिनसह असा एकूण 40 हजार रुपयांचा मुद्देमाल हस्तगत करण्यात आला आहे.

     अशाप्रकारे आरोपी अरबाज महम्मंद शरीफ अन्सारी, वय-22 वर्ष, रा. मौलावी गंज, धुळे याचे कब्जातुन 40,000/- रु.किं.चा देशी गावठी कट्टा हस्तगत करुन, आझादनगर पोलीस ठाणे येथे भारतीय शस्त्र अधिनियम सन 1959 चे कलम 3/25 सह मपोकाक. 37 (1) (3)/135 प्रमाणे गुन्हा दाखल करण्याची प्रक्रिया सुरु आहे.

       आरोपी अरबाज महम्मंद शरीफ अन्सारी, वय-22 वर्ष, रा. मौलावी गंज, धुळे याच्या विरुध्द यापुर्वी देखील आझादनगर पोलीस ठाण्यात गु.र.नं.149/2024 भादंवि क. 143, 144, 147, 188, 186, 336 सह मपोकाक.37 (1) (3)/135 गुन्हे दाखल आहेत.

        सदरची कामगिरी पोलीस अधीक्षक, धुळे श्रीकांत धिवरे व अपर पोलीस अधीक्षक अजय देवरे यांचे मार्गदर्शनाखाली स्थानिक गुन्हे शाखेचे पोलीस निरीक्षक श्रीराम पवार, सपोनि. श्रीकृष्ण पारधी, सपोनि. नामदेव सहारे, पोलीस अंमलदार शशिकांत देवरे, मुकेश वाघ, धर्मेंद्र मोहिते, सुशिल शेंडे व आशिषकुमार वानखेडे यांनी केली आहे.

निवडणूकीच्या पार्श्वभूमीवर तालुका पोलिसांचा अवैद्य दारू तस्करांना दणका ; आरोपींकडून 30 लाख 17 हजार रुपयाचा मुद्दामाल जप्त

 निवडणूकीच्या पार्श्वभूमीवर तालुका पोलिसांचा अवैद्य दारू तस्करांना दणका ;

 आरोपींकडून 30 लाख 17 हजार रुपयाचा मुद्दामाल जप्त

जनसंघर्ष न्यूज 

      धुळे :- दि.१० जानेवारी रोजी पोलीस निरीक्षक श्री. धनंजय पाटील यांना गुप्त बातमीदारा कडुन बातमी मिळाली होती की, पारोळा कडून धुळे कडे जाणारे रोडावर मुकटी ता.जि. धुळे गावाचे शिवारातुन ट्रक क्रमांक MH १८ BH ८८९१ याचेतुन रॉकेट नावाची देशी दारुची चोरटी वाहतुक करण्यात येणार आहे. सदरची माहिती त्यांनी मा. पोलीस अधीक्षक धुळे यांना कळवून तसेच मा. अपर पोलीस अधीक्षक श्री. अजय देवरे, उप विभागीय पोलीस अधिकारी, धुळे ग्रामिण विभाग श्री. संजय बंबाले यांचे मार्गदर्शन घेवून त्याअनुशंगाने पोनि श्री. धनंजय पाटील यांनी पोसई प्रशांत राठोड, पोहेको २८३ योगेश पाटील, पोहेकों ६४९ कुणाल पानपाटील, पोहेकों १५४५ सोमनाथ कांबळे, पोहेको १३४० सुमित ठाकुर, पोहेको १३०६ चेतन कंखरे, पोहेकॉ ११४७ मुकेश पवार, पोकों ८५० विशाल पाटील, पोकॉ५ ३७ प्रमोद पाटील पोकों १७५४ रविंद्र सोनवणे, असई रविंद्र राजपुत यांचे पथक तयार करुन बातमीची खात्री करुन कारवाई करण्याचे आदेशीत केल्याने नमुद पथकाने दि.१०.०१.२०२६ रोती मध्यरात्री ०१.०० वा. ते ०२.३६ वा पावेतों सदर वाहनाचा शोध घेवून सदर ट्रक मुकटी गावाचे शिवाराज हॉटेल एकता चे आवारात येवुन मध्यरात्री अंधारात चालकाने सदर ट्रक उभा करुन त्यातुन बॉक्स पीकअप वाहात उतरवित असतांना दिसल्याने त्याचा संशय आल्याने नमुद पथकाने सदर ठिकाणी छापा टाकुन १) राकेश छगनलाल जैन वय ३५ रा. प्लॉट नं. १२१, शांतीनगर, अभय कॉलेज, जवळ, धुळे, २) दिपक अशोक शिंदे वय ३५ रा. नथ्थुवाबा नगर, मोहाडी उपनगर, धुळे, ३) सुदाम भुरा गोसावी वय ४२ रा. भाटपुरा ता. शिरपुर जि. धुळेअशांना त्यांचे ताब्यातील वाहनांसह पकडुन पंचांसमोर पंचनामाकरुन झडती घेतली असता त्यात खालील प्रमाणे वर्णणाचा व किंमतीचा मुददेमाल मिळुन आल्याने तो जप्त करण्यात आला आहे.

     सदर कारवाईत ३ लाख ४ हजार रुपये किंमतीचा ट्रक क्रमांक MH १८ ८८९१ याचेत रॉकेट देशी दारुचे ७६ बॉक्स, प्रत्येक बॉक्स मध्ये १०० बॉटल, प्रत्येक बॉटलची किंमत ४० रुपये, बेंच क्रमांक ४०२ (एका बॉक्सची किंमत ४ हजार रुपये) , १ लाख ९२ हजार रुपये किंमतीची पीकअप वाहन क्रमांक MH ०४ JU ८७२२ मध्ये रॉकेट देशी दारुचे ४८ बॉक्स, प्रत्येक बॉक्स मध्ये १०० बॉटल, प्रत्येक बॉटलची किंमत ४० रुपये, बेंच क्रमांक ४०२ (एका बॉक्सची किंमत ४ हजार रुपये , १५ लाख रुपये किंमतीची ट्रक क्रमांक MH १८ ८८९१ जु वा कि अं. जु वा कि अं., ५ लाख रुपये किंमतीची पीकअप वाहन क्रमांक MH ०४ JU ८७२२ जु वा कि अं. ,५ लाख रुपये किंमतीची स्विफ्ट डिझायर कार क्रमांक MH ०४ ED ९३३४ जु वा कि अं. व ४ मोबाईल असा एकूण  ३० लाख १७ हजार रुपयांचा मुद्देमाल व वाहने जप्त करण्यात आली असुन सदर प्रकरणी धुळे तालुका पोलीस स्टेशन येथे महाराष्ट्र दारुबंदी अधिनियम १९४९ चे कलम ६५ (ई), (अ), ८३, १०८, प्रमाणे गुन्हा दाखल करण्यात आला आहे. तिन्ही आरोपींना अटक करण्यात आली आहे.

      आगामी महानगर पालीकेचे निवडणुकीचे पार्श्वभुमीवर धुळे तालुका पोलीस स्टेशन येथील पोलीस अधिकारी, श्री. धनंजय पाटील, पोसई प्रशांत राठोड, व पोलीस अंमलदार यांचे पथकने वरील प्रमाणे देशी दारुचा मोठ्या प्रमाणावर मिळुन आलेला साठा चोरटी वाहतुक करतांना उघडकीस आणुन कायदेशीर कारवाई केल्याने वरिष्ठांकडुन धुळे तालुका पोलीस स्टेशन येथील अधिकारी व पोलीस अंमलदार यांचे अभिनंदन केले आहे.

आगामी निवडणुकीच्या पार्श्वभूमीवर धुळे पोलीस ॲक्शन मोडवर

 

आगामी निवडणुकीच्या पार्श्वभूमीवर धुळे पोलीस ॲक्शन मोडवर 

जनसंघर्ष न्यूज 

धुळे :- आगामी धुळे महानगरपालिका पंचवार्षिक निवडणुकीच्या पार्श्वभूमीवर दि. 25 डिसेंबर 2000 25 रोजी पोलीस अधीक्षक श्रीकांत धिवरे यांच्या आदेशावरून स्थानिक गुन्हे शाखा धुळे व धुळे शहरातील आझाद नगर देवपूर पश्चिम देवपूर मोहाडी उपनगर पोलीस ठाणे यांच्या संयुक्त पथकाने विविध ठिकाणी का अवैद्य धंद्यांवर छापे मारून कारवाई केली. 

        सदर कारवाईत एकूण 11 आरोपींविरुद्ध महाराष्ट्र प्रोव्हीबिशन कायद्यान्वये गुन्हा दाखल करण्यात आला असून त्यांच्याकडून एकूण चाळीस हजार 40,450 रूपये किमतीचा एकूण सहाशे बावीस लिटर गावठी हातभट्टी दारू, रसायन, वॉश , ड्रम व गावठी दारू बनविण्याचे साहित्य हस्तगत करून गावठी दारू जागीच नष्ट करण्यात आले आहे. 

          त्याचप्रमाणे देवपूर व पश्चिम देवपूर पोलीस ठाणे हद्दीत 5 ठिकाणी जुगार अड्ड्यांवर छापे टाकून 5 आरोपींना ताब्यात घेतले असून त्यांच्या कडून एकूण पाच हजार शंभर रुपये किमतीचे रोग रक्कम व जुगाराची साधने जप्त करून महाराष्ट्र जुगार कायदा कलम 12 (अ) प्रमाणे गुन्हा दाखल करण्यात आला आहे.

महसूल नायब तहसीलदाराचा पापाचा घडा भरला ; २ लाख ५० हजार रुपयांची लाच घेताना एसीबीच्या जाळ्यात

 

महसूल नायब तहसीलदाराचा पापाचा घडा भरला 

२ लाख ५० हजार रुपयांची लाच घेताना एसीबीच्या जाळ्यात 

जनसंघर्ष न्यूज

     नाशिक - जिल्ह्यातील सिन्नर तालुक्यात महसूल विभागात कार्यरत असलेले लोकसेवक महसूल नायब तहसीलदार संजय भिकाजी धनगर वय ५१ वर्षे यांना नाशिक विभाग लाचलुचपत प्रतिबंधक विभागाने २ लाख ५० हजार रुपये लाज घेताना रंगेहात पकडल्याने नाशिक जिल्ह्यात खळबळ उडाली आहे. 

        सदर प्रकरणातील तक्रारदार यांनी त्यांचा मुलगा व सुनेच्या नावे मौजे दोडी खुर्द ता. सिन्नर, जि. नाशिक येथील ग.नं. ४९९, क्षेत्र ३ हे ६० आर शेत जमिन खरेदी केली होती. सदर खरेदी खतावरुन तलाठी दोडी खुर्द यांनी घेतलेल्या फेरफार नोंद क. ३३४५ हि रद्द होण्याकरीता दिलेल्या तक्रारीचा निकाल तक्रारदार यांच्या मुलाच्या व सुनेच्या बाजुने लावुन देवुन, त्यांचेकडे सुनावणीकामी असलेली फेरफार नोंद क. ३३४५ ही मंजुर करुन देण्याच्या मोबदल्यात तक्रारदार यांच्याकडे लोकसेवक महसूल नायब तहसीलदार यांनी दि. ०६ डिसेंबर २०२५ रोजी तक्रारदार यांच्याकडे १०,००,०००/- रुपये लाचेची मागणी करुन तडजोडीअंती २,५०,०००/- रुपये लाचेची रक्कम रिकारण्याचे मान्य केले होते. 

        तक्रारदार यांनी सदर घटनेबाबत लाच लुचपत प्रतिबंधक विभाग नाशिक यांच्या कार्यालयाला भेट देऊन तक्रार केली असता. घटनेचे गांभीर्य लक्षात घेऊन लाच लुचपत प्रतिबंधक विभागाच्या पोलीस निरीक्षक श्री. रूपाली खांडवी यांनी पथकाच्या मदतीने दि. ०९ डिसेंबर २०२५ रोजी सापळा रचून कारवाईचे आयोजन केले असता आरोपी लोकसेवक यांनी सोपान हॉस्पीटल समोर रोडाच्याकडेला नाशिक येथे लाचेची रक्कम २,५०,०००/- रुपये तक्रारदार यांचेकडून पंचासमक्ष स्विकारल्यानंतर त्यांना रंगेहाथ पकडण्यात आले आहे.

      सदर कारवाई पोलीस अधीक्षक भारत तांगडे, अप्पर पोलीस अधीक्षक माधव रेड्डी, अप्पर पोलीस अधीक्षक सुनील दोरगे यांच्या मार्गदर्शनाखाली सापळा अधिकारी पोलीस निरीक्षक श्रीमती रुपाली खांडवी, ला.प्र.वि. नाशिक सह सापळा पथकातील पो. हवा/संदिप वणवे, पोकों/प्रमोद पाळदे पोहवा/शरद हॅबाडे, पोहवा/युवराज खांडवी यांनी केली.

       लाचलुचपत विभागातर्फे नागरीकांना आवाहन करण्यात येते की, भ्रष्टाचार संबंधी काही माहिती असल्यास अगर लाच मागणाऱ्या लोकसेवका बद्दल तक्रार असल्यास लाचलुचपत प्रतिबंधक विभाग, नाशिक परिक्षेत्र, नाशिक येथे संपर्क करावा.

15 हजाराच्या लाचेसाठी मुख्याध्यापकासह शिक्षकाने विकली लाज ; धुळे एसीबीने शिक्षण क्षेत्रातील लाचखोरीचा केला पर्दाफाश

 

15 हजाराच्या लाचेसाठी मुख्याध्यापकासह शिक्षकाने विकली लाज 

धुळे एसीबीने शिक्षण क्षेत्रातील लाचखोरीचा केला पर्दाफाश 

जनसंघर्ष न्यूज 

धुळे - जनता शिक्षण प्रसारक संस्था ,बेटावद ता. शिंदखेडा जि. धुळे संचलित महात्मा गांधी विद्यालय मांजरोद ता. शिरपूर येथे तक्रारदार उपशिक्षक या पदावर कार्यरत असून त्यांची 2023 पासून एक वर्षाकरिता वार्षिक वेतन वाढ स्थगित करण्यात आली होती तसेच त्यांना सेवेत बारा वर्षे पूर्ण होऊन देखील वरिष्ठ वेतनश्रेणी  लागू केले नसल्याने तक्रारदार यांनी यांनी शाळेचे मुख्याध्यापक कैलास सखाराम पाटील वय 52 यांची भेट घेऊन त्यांचा स्थापित केलेली वेतन वाढ व वरिष्ठ वेतन श्रेणी लागू करणे बाबत विनंती केली असता मुख्याध्यापक कैलास पाटील यांनी तक्रारदारी यांच्या स्थगित केलेली वेतन वाढ व वरिष्ठ वेतन सगळ्यांना लागू करण्यासाठी उपशिक्षक गोपाळ पाटील यांच्याकडे 15000 रुपये द्यावे लागतील त्याशिवाय तुमचे काम होणार नाही असे सांगितल्याने तक्रारदार यांनी लाचलुचपत प्रतिबंधक विभाग धुळे कार्यालय येथे दूरध्वनी द्वारे माहिती दिली असता सदर माहितीवरून धुळे लाचलुचपत प्रतिबंधक विभागाच्या पथकाने शिरपूर येथे जाऊन तक्रारदार यांची तक्रार नोंदवून घेतली. 

        वरील तक्रारीवरून दि. 6 नोव्हेंबर 2025 रोजी पडताळणी केली असता लाचखोर मुख्याध्यापक कैलास सखाराम पाटील यांनी तक्रारदार यांना त्यांच्या कामाबाबत उपशिक्षक गोपाल रघुनाथ पाटील वय 47 यांना भेटण्यास सांगितले होते. त्याप्रमाणे तक्रारदार यांनी आरोपी नंबर 2 गोपाल रघुनाथ पाटील यांची भेट घेतली असता त्यांनी तक्रारदार यांच्याकडे पंचासमक्ष 15000 रुपये लाचेची मागणी करून लाज स्वीकारण्याचे मान्य केले असता त्यानंतर दिनांक 12 नोव्हेंबर 2025 रोजी लाचलुचपत प्रतिबंधक विभागाच्या पथकाने सापडा रचून महात्मा गांधी विद्यालय मांजरोद ता. शिरपूर येथे कार्यरत असलेले उपशिक्षक गोपाल रघुनाथ पाटील वय 47 यांना तक्रारदार यांच्याकडून 15000 रुपये लाचेची रक्कम स्वतः स्विकारत असताना त्यांना रंगेहाथ पकडण्यात आले असून त्यांच्यावर गुन्हे दाखल करण्यात आला आहे.

        सदर कारवाई पोलीस अधीक्षक भारत तांगडे, अप्पर पोलीस अधीक्षक माधव रेड्डी, अप्पर पोलीस अधीक्षक सुनील दोरगे प्रतिबंधक विभाग नाशिक परिक्षेत्र नाशिक यांच्या मार्गदर्शनानुसार पोलीस उपअधीक्षक ला.प्र.वि. धुळे त्यांच्या नेतृत्वात पोलीस निरीक्षक पद्मावती कलाल, पोहेकाॅ. राजन कदम, मुकेश अहिरे, प्रवीण मोरे, संतोष पावरा, पोकॉ. मकरंद पाटील , प्रवीण पाटील ,प्रशांत बागुल, सागर शिर्के ,रितेश चौधरी,मपोकॉ. रेश्मा परदेशी, पोहेकॉ. सुधीर मोरे, जगदीश बडगुजर यांनी यशस्वी केली.

      लाचलुचप प्रतिबंधक विभागाने केलेल्या कारवाईने शिक्षण क्षेत्रासह संपूर्ण जिल्ह्यात खळबळ उडाली आहे. ज्या शाळेत पालक आपल्या मुलांना चांगले शिक्षण मिळावे यासाठी शाळेत पाठवतात ज्या शाळेला महापुरुषाचे नाव आहे. अशा या महात्मा गांधी विद्यालय मांजरोद येथे शिक्षकांनी विद्यार्थ्यांना चांगल्या धडे शिकविण्याचे सोडून स्वतः मुख्याध्यापक शेणखत असल्याने पालकांमध्ये संतापाची लाट तयार झाले आहे.

धुळे जिल्ह्यात पहिल्यांदाच MD ड्रग्जची तस्करी उघड ; धुळे LCB ची दमदार कारवाई

धुळे जिल्ह्यात पहिल्यांदाच MD ड्रग्जची तस्करी उघड ; धुळे LCB ची दमदार कारवाई 

 17 लाख 51 हजार रुपये किंमतीचा मुद्देमाल स्थानिक गुन्हे शाखा, धुळे कडुन जप्त

जनसंघर्ष न्यूज 

      धुळे :- दि. 25 सप्टेंबर रोजी पोलीस निरीक्षक श्रीराम पवार, स्थानिक गुन्हे शाखा, धुळे यांना गोपनीय बातमी मिळाली होती की, धुळे शहरात इसम नामे सैय्यद आतिक सैय्यद रफीक रा. मालेगांव, जिल्हा नाशिक हा त्याच्या साथीदारासह कार क्रमांक GJ 16 DS 0314 मध्ये मानवी मेंदुवर विपरीत परिणाम घडवुन आणणारा गुंगीकारक अंमली पदार्थ Methedrone (MD पावडर) घेवून जळगांव कडून धुळे कडे येत आहे. NDPS अॅक्ट मधील सर्व कायदेशीर प्रक्रिया पूर्ण करुन छापा कारवाईसाठी पोलीस अधीक्षक, धुळे श्री. श्रीकांत धिवरे यांच्या मार्गदर्शनाखाली स्थानिक गुन्हे शाखा, धुळे यांचे पथक तयार करण्यात आले. गोपनीय बातमीच्या अनुषंगाने मोहाडी शिवारातील हॉटेल रेसिडन्सी पार्क जवळील नवीन नागपूर सुरत महामार्गावर कार क्रमांक GJ 16 DS 0314 हे थांबविण्यात आले असता वाहनातील दोन संशयित इसमांनी वाहनातून उतरुन पळून जाण्याचा प्रयत्न केला असता त्यांना स्थानिक गुन्हे शाखा पथकाने शिताफीने पकडले. नमुद वाहनातील संशयित इसम 1) सैय्यद आतिक सैय्यद रफीक, वय 37 वर्ष रा. ओल्ड आग्रा रोड न्यु फरहान हॉस्पीटल मालेगांव जिल्हा नाशिक व 2) मजहर खान युसूफ खान, वय 33 वर्षे, रा बासवाडा, तहसील पत्रीगंज खिडकी, जि बासवाडा, राज्य राजस्थान यांची अंगझडती घेतली असता संशयित सैय्यद आतिक सैय्यद रफीक याचे ताब्यात 104 ग्रॅम वजनाची सफेद पावडरची पुडी मिळून आल्याने त्यास विचारपुस केली असता त्याने सदरचा माल हा MD पावडर असल्याची कबुली दिली. घटनास्थळी हजर असलेल्या फॉरेन्सिक व्हॅन टीम कडून मिळून आलेल्या MD पावडरची प्राथमिक तपासणी करून 10,40,000/- रुपये किंमतीची सफेद रंगाची Methedrone (MD) पावडर, 7,00,000/- रुपये किंमतीची पांढऱ्या रंगाची गुंडाई कंपनीची कार क्र GJ 16 DS 0314, 11,000/- रुपये किंमतीचे 03 मोबाईल फोन असा एकूण 17,51,000/- रुपये किंमतीचा मुद्देमाल कारवाई दरम्यान जप्त करण्यात आला आहे.

      सदर आरोपी  1) सैय्यद आतिक सैय्यद रफीक, वय 37 वर्ष रा. ओल्ड आग्रा रोड न्यु फरहान हॉस्पीटल मालेगांव जिल्हा नाशिक व 2) मजहर खान युसूफ खान, वय 33 वर्षे, रा बासवाडा, तहसील पत्रीगंज खिडकी, जि बासवाडा, राज्य राजस्थान हे वरील वर्णनाचा व किंमतीचा अंमली पदार्थ Methedrone (MD) पावडर विक्री करण्याच्या उददेशाने ताब्यात बाळगतांना मिळून आले म्हणून त्यांच्या विरुध्द मोहाडीनगर पोलीस ठाणे गु.र.नं. 258/2025, NDPS कायदा सन 1985 कलम 8(क), 21(क), 29 प्रमाणे गुन्हा दाखल करण्यात आला असून दोन्ही आरोपींना  गुन्ह्याचा तपास कामी अटक करण्यात आली आहे.

      अटक आरोपींनी यापूर्वी अनेकवेळा धुळे शहरात येऊन MD ड्रग्जची विक्री केली असलेबाबत प्राथमिक माहिती दिली आहे. सदर ड्रग्जचा वापर हा विशेषतः उच्चभ्रु लोकांचे पार्टी मध्ये केला जातो. तरी MD ड्रग्ज धुळे शहरातील व जिल्ह्यातील कोणाकडे विक्रीसाठी जात होता व या ड्रग्जचे खरेदीदार कोण आहेत याचा तपास सुरु आहे.

      सदर कामगिरी श्री. श्रीकांत धिवरे, पोलीस अधीक्षक धुळे, श्री. अजय देवरे, अपर पोलीस अधीक्षक धुळे यांचे मार्गदर्शनाखाली श्रीराम पवार, पोलीस निरीक्षक स्थानिक गुन्हे शाखा धुळे, स्थानिक गुन्हे शाखेचे सपोनि श्रीकृष्ण पारधी, पोलीस उपनिरीक्षक श्री. चेतन मुंढे, संजय पाटील, पोलीस अंमलदार राहुल सानप, पवन गवळी, आरीफ पठाण, देवेंद्र ठाकुर, प्रकाश सोनार, जगदीश सुर्यवंशी, अमोल जाधव यांनी केली आहे.

मोटार सायकल व पाण्याची मोटर चोरी करणाऱ्या टोळीला तालुका पोलिसांचा दणका

 

मोटार सायकल व पाण्याची मोटर चोरी करणाऱ्या टोळीला तालुका पोलिसांचा दणका

दोन आरोपींना जेरबंद करून मोटरसायकल व पाण्याची मोटर हस्तगत 

जनसंघर्ष न्यूज 

धुळे - तालुक्यातील नेर गावात दिनांक 7 ऑगस्ट ते 8 ऑगस्ट रोजी दरम्यान गावातून तक्रारदारा कैलास नाना जाधव रा. नेर ता.जि. धुळे यांनी दिनांक 7ऑगस्ट रोजी रात्री घराच्या अंगणात मोटर सायकल क्रमांक एम.एच 18 पी. 13 76 लावलेली असता तक्रारदार हे  8 ऑगस्ट रोजी सकाळी पाहिले तर चोरट्यांनी मोटरसायकल चोरी झालेली आहे असे लक्षात आले.  

       तक्रारदार यांनी घटनेचे गांभीर्य लक्षात घेऊन लागलीच धुळे तालुका पोलीस स्टेशन येथे धाव घेत पोलीस ठाण्यात फिर्याद दाखल केली. त्या अनुषंगाने तालुका पोलीस ठाण्यात अपराध क्रमांक 490 / 2025 भारतीय न्याय संहिता कलम 303 (2) प्रमाणे पुण्याची नोंद करण्यात आली होती. त्याचप्रमाणे दिनांक 6 ऑगस्ट ते 7 ऑगस्ट रोजी दरम्यान नेर गावातूनच दोन पाण्याच्या मोटरी ( अंदाजे किं.11000 ) देखील चोरी गेल्या बाबत फिर्याद युसुफ सत्तार सैय्यद रा.नेर यांनी त्यांच्या व साक्षीदार नामे सुनंदाबाई सुरेश जाधव रा.नेर यांची घराच्या ओट्यावर लावलेल्या सगुना कंपनीच्या पाण्याच्या मोटरी अज्ञात चोरट्याने चोरी करून घेऊन गेले असल्याची धुळे तालुका पोलीस ठाण्यात अपराध क्रमांक 497/ 2025 भारतीय न्याय संहिता कलम 303(2) प्रमाणे गुन्ह्याची नोंद करण्यात आली होती. 

    सदर चोरीच्या घटनांचे गांभीर्य लक्षात घेऊन धुळे तालुका पोलीस स्टेशनचे पोलीस निरीक्षक धनंजय पाटील यांनी गुन्ह्याच्या तपासाचे सूत्रे हाती घेऊन आपले पथक तयार करून पोहवा. उमेश पवार ,अमोल बोरसे षसंजय जाधव ,दिनेश देवरे , पोशि. देसले व मुंडे यांना गोपी माहिती काढण्याच्या सूचना देऊन मा. पोलीस अधीक्षक श्रीकांत धिवरे, पोलीस उपअधीक्षक अजय देवरे, अपर पोलीस अधीक्षक उप-विभागीय पोलीस अधिकारी श्री. संजय बांबळे यांचे मार्गदर्शनाखाली तपासाची चक्रे जलद गतीने फिरवून पारंपारीक व तांत्रीक पध्दतीने गुन्हयांच्या तपासाला गती देवून आरोपी 1) निलेश अभिमन माळी वय 32 2) चंद्रकांत अशोक अहीरे वय 35 दोन्ही रा.नेर ता. जि. धुळे यांस अटक करुन सखोल विचारपूस केली असता नमुद आरोपीने गुन्हयाची कबुली देवून गुन्हयातील चोरलेली मोटर सायकल क्रमांक एम एच 18 पि. 1376 व सगुना कंपनीच्या 2 पाण्याच्या मोटर काढून दिली आहे.